Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 92:1-15

BALAYAN SANG KAUNDAN

  • Si Jehova pakataason sing dayon

    • Iya binuhatan kag panghunahuna (5)

    • “Ang matarong magalambo” (12)

    • Tigulang magapamunga gihapon (14)

Isa ka salmo. Isa ka ambahanon para sa Adlaw nga Inugpahuway. 92  Maayo nga magpasalamat kay Jehova+ Kag mag-amba sing pagdayaw* sa imo ngalan, O Labing Mataas,   Agod ipahayag ang imo mainunungon nga gugma+ sa aga Kag ang imo katutom sa gab-i,   Nga ginatukaran sing instrumento nga may napulo ka kuerdas, Upod sa manami nga tunog sang arpa.+   Kay ginpasadya mo ako, O Jehova, bangod sang imo mga binuhatan; Nagasinggit ako sa kalipay bangod sang imo mga hinimuan.   Tumalagsahon gid ang imo mga binuhatan, O Jehova!+ Tuman gid kadalom sang imo panghunahuna!+   Wala sing indi makatarunganon nga tawo nga makahibalo sini; Kag wala sing buangbuang nga makahangop sini:+   Kon ang malauton magtubo kaangay sang mga gamhon* Kag ang tanan nga makasasala maglambo, Ini agod pagalaglagon sila sing dayon.+   Apang ikaw, O Jehova, pakataason sa wala sing katubtuban.   Kay ang imo mga kaaway, O Jehova, malaglag, Huo, ang imo mga kaaway pat-od nga malaglag; Ang tanan nga makasasala paalaplaagon.+ 10  Apang bayawon mo ang akon kusog* kaangay sang kusog sang toro nga baka nga talunon; Haplasan ko ang akon panit sing makapasulhay nga lana.+ 11  Magatulok ako nga may kadalag-an sa akon mga kaaway;+ Mabatian ko ang pagkalutos sang mga malauton nga nagasalakay sa akon. 12  Apang ang matarong magalambo kaangay sang kahoy nga palma, Kag magadaku kaangay sang sedro sang Lebanon.+ 13  Gintanom sila sa balay ni Jehova; Magalambo sila sa mga luwang sang aton Dios.+ 14  Magapamunga gihapon sila bisan tigulang na sila;*+ Magapabilin sila nga mabakod* kag malagtom,+ 15  Sa pagpahayag nga si Jehova matarong. Sia ang akon Igang,+ kag wala sing pagkadimatarong sa iya.

Footnote

Ukon “maglanton.”
Ukon “hilamon.”
Sa literal, “sungay.”
Ukon “bisan ubanon na ang ila buhok.”
Sa literal, “matambok.”