Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 91:1-16

BALAYAN SANG KAUNDAN

  • Pangamlig sa sekreto nga duog

    • Ginluwas sa manugpamispis (3)

    • Pakpak sang Dios dalangpan (4)

    • Maluwas bisan 1,000 mapukan (7)

    • Mga anghel magabantay (11)

91  Ang bisan sin-o nga nagapuyo sa sekreto nga duog sang Labing Mataas+ Magapabilin sa idalom sang landong sang Labing Gamhanan.+   Magasiling ako kay Jehova: “Ikaw ang akon dalangpan kag ang akon kuta,+ Ang akon Dios nga akon ginasaligan.”+   Kay luwason ka niya sa siod sang manugpamispis, Kag sa makamamatay nga balatian.   Tabunan ka* niya sang iya mga kuyos, Kag magadangop ka sa idalom sang iya mga pakpak.+ Ang iya katutom+ mangin isa ka daku nga taming+ kag pader.*   Indi ka mahadlok sa mga ginakahadlukan kon gab-i,+ Ukon sa baslay nga nagalupad kon adlaw,+   Ukon sa balatian nga nagalapta kon gab-i, Ukon sa kalaglagan nga nagakatabo kon adlaw.   Sa imo tupad 1,000 ang mapukan Kag 10,000 sa imo tuo, Apang wala sing malain nga matabo sa imo.+   Makita mo lamang ini Samtang ginasilutan* ang malauton.   Bangod nagsiling ka: “Si Jehova amo ang akon dalangpan,” Ginhimo mo ang Labing Mataas nga imo malig-on nga puluy-an;*+ 10  Wala sing kahalitan nga mahanabo sa imo,+ Kag wala sing kalalat-an nga magapalapit sa imo tolda. 11  Kay suguon niya ang iya mga anghel,+ Sa pagbantay sa imo bisan diin ka makadto.+ 12  Sal-on ka nila,+ Agod indi makaigo sa bato ang imo tiil.+ 13  Tapakon mo ang leon kag ang kobra; Tasakon mo ang bataon nga leon kag ang daku nga man-ug.+ 14  Nagsiling ang Dios: “Bangod ginahigugma niya ako,* luwason ko sia.+ Amligan ko sia bangod kilala* niya ang akon ngalan.+ 15  Manawag sia sa akon, kag sabton ko sia.+ Indi ko sia pagbayaan sa tion sang iya kalisdanan.+ Luwason ko sia kag padunggan. 16  Palawigon ko ang iya kabuhi,+ Kag makita niya ang pagluwas ko sa iya.”*+

Footnote

Ukon “Ang nagapalapit sa imo sagangon.”
Ukon “pangamlig.”
Sa literal, “ginatimalusan.”
Ukon mahimo, “pamakod; dalangpan.”
Sa literal, “gin-angot niya ang iya kaugalingon sa akon.”
Ukon “ginakilala.”
Ukon “kaluwasan halin sa akon.”