Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 90:1-17

BALAYAN SANG KAUNDAN

  • Dios wala katapusan, tawo umalagi

    • 1,000 ka tuig daw kahapon lang (4)

    • Kabuhi sang tawo 70-80 ka tuig (10)

    • ‘Tudlui nga isipon amon adlaw’ (12)

Pangamuyo ni Moises, ang tawo sang matuod nga Dios.+ 90  O Jehova, ikaw ang amon puluy-an*+ sa tanan nga kaliwatan.   Sang wala pa mabun-ag ang kabukiran Ukon sang wala mo pa mapagua* ang duta kag ang kalibutan,+ Halin sa wala sing katubtuban tubtob sa wala sing katubtuban,* ikaw Dios.+   Ginapabalik mo ang tawo sa yab-ok; Nagasiling ka: “Balik kamo sa yab-ok, kamo nga mga tawo.”+   Kay ang isa ka libo ka tuig sa amon daw kahapon lamang sa imo,+ Subong lamang sang isa ka hugna* sa kagab-ihon.   Ginpapas mo sila;+ nadula sila nga daw isa lamang ka damgo; Sa aga kaangay sila sang hilamon nga nagatubo.+   Sa aga nagapamulak ini kag nagalambo; Apang sa gab-i nagakalayong kag nagakalaya.+   Kay sa imo kaakig nalaglag kami+ Kag sa imo kasingkal nahadlok kami.   Ginabutang mo ang amon mga sala sa imo atubangan;*+ Ang amon mga sekreto napadayag paagi sa kapawa sang imo nawong.+   Naglip-ot ang amon mga adlaw* bangod sang imo kaakig; Kag natapos ang amon tinuig kaangay sang isa ka hutik.* 10  Ang kalawigon sang amon kabuhi 70 ka tuig, Ukon 80 ka tuig,+ kon mas mapagros ang isa.* Apang puno ini sing kabudlayan kag kasubo; Madasig ini nga nagalipas, kag wala na kami.+ 11  Sin-o ang makatungkad sang gahom sang imo kaakig? Ang imo kasingkal pareho kadaku sang kahadlok nga dapat ipatungod sa imo.+ 12  Tudlui kami kon paano isipon ang amon mga adlaw+ Agod mangin maalamon ang amon tagipusuon. 13  O Jehova,+ magbalik ka! Tubtob san-o ini magapadayon?+ Maluoy ka sa imo mga alagad.+ 14  Busga kami sa aga sang imo mainunungon nga gugma,+ Agod magsinggit kami sa kalipay kag magkasadya+ sa tanan namon nga adlaw. 15  Hatagi kami sing kalipay nga pareho kalawig sang mga adlaw nga ginpaantos mo kami,+ Pareho kalawig sang mga tuig nga nag-antos kami sing kabudlayan.+ 16  Kabay nga makita sang imo mga alagad ang imo mga binuhatan, Kag sang iya mga anak ang imo himaya.+ 17  Kabay nga kahamut-an kami ni Jehova nga amon Dios; Kabay nga magmadinalag-on* ang amon mga binuhatan. Huo, kabay nga hatagan mo sing kadalag-an* ang amon mga binuhatan.+

Footnote

Ukon mahimo, “dalangpan.”
Ukon “mapagua nga may kasakit subong sang pagpanganak.”
Ukon “Halin sa wala sing katapusan tubtob sa wala sing katapusan.”
Mahimo nga ang isa ka hugna nagalawig sing un-tersia sang tion sa ulot sang pagtunod kag pagbutlak sang adlaw, ukon mga apat ka oras ang tagsa ka hugna depende sa kon ano nga tion sang tuig.
Ukon “Nahibaluan mo ang amon mga sala.”
Ukon “kabuhi.”
Ukon “panghayhay.”
Ukon “bangod sang pinasahi nga kabaskog.”
Ukon “mangin malig-on.”
Ukon “kalig-unan.”