Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 9:1-20

BALAYAN SANG KAUNDAN

  • Makatilingala nga buhat ginpahayag

    • Si Jehova, malig-on nga dalangpan (9)

    • Nakakilala sa Dios magasalig (10)

Para sa pangulo sang musika sang Mutlaben.* Salmo ni David. א [Aleph] 9  Dayawon ko ikaw, O Jehova, sa bug-os ko nga tagipusuon; Ipahayag ko ang tanan mo nga makatilingala nga mga binuhatan.+   Magakasadya ako kag magahugyaw tungod sa imo; Magaamba ako sing mga pagdayaw* sa imo ngalan, O Labing Mataas.+ ב [Beth]   Kon mag-isol ang akon mga kaaway,+ Mapukan sila kag malaglag sa atubangan mo.   Kay ginhatagan mo ako sing hustisya kag ginpangapinan; Nagapungko ka sa imo trono kag nagahukom sing matarong.+ ג [Gimel]   Ginsabdong mo ang mga pungsod+ kag ginlaglag ang mga malauton, Ginpanas mo ang ila ngalan sa wala sing katubtuban.   Ang kaaway ginlaglag sa wala sing katubtuban; Gingabot mo ang ila mga siudad, Kag sila tanan indi na gid pagdumdumon.+ ה [He]   Apang si Jehova nagagahom sa wala sing katubtuban;+ Ginpalig-on Niya ang iya trono para sa katarungan.+   Hukman niya ang kalibutan* sa pagkamatarong;+ Hukman niya sing matarong ang mga pungsod.+ ו [Waw]   Si Jehova mangin malig-on nga dalangpan para sa mga ginapigos,+ Isa ka malig-on nga dalangpan sa tion sang kagamo.+ 10  Ang mga nakakilala sang imo ngalan magasalig sa imo;+ Indi mo gid pagbayaan ang mga nagapangita sa imo, O Jehova.+ ז [Zayin] 11  Mag-amba kamo sing mga pagdayaw kay Jehova, nga nagapuyo sa Sion; Ipahayag sa mga tawo ang iya mga binuhatan.+ 12  Kay dumdumon sila sang Isa nga nagatimalos sang ila dugo;+ Indi gid niya pagkalimtan ang pagpangayo sing bulig sang nalisdan.+ ח [Heth] 13  Kaluy-i ako, O Jehova; tan-awa ang pagpigos sa akon sang mga nagadumot sa akon, Ikaw nga nagakuha sa akon sa mga gawang sang kamatayon,+ 14  Agod mapahayag ko ang tanan mo nga dalayawon nga mga binuhatan sa mga gawang sang anak nga babayi sang Sion,+ Kag magakalipay ako sa pagluwas mo sa akon.+ ט [Teth] 15  Ang mga pungsod nahulog sa buho nga ila ginhimo; Ang ila tiil nasiod sa lambat nga ila ginbutang.+ 16  Nakilala si Jehova paagi sa iya mga paghukom.+ Ang malauton nasiod sa iya mga binuhatan.+ Higgaion.* (Selah) י [Yod] 17  Magaisol sa Lulubngan* ang malauton, Ang tanan nga pungsod nga wala nagadumdom sa Dios. 18  Apang ang mga imol indi gid pagkalimtan;+ Kag indi gid madula ang paglaum sang mga mahagop.+ כ [Kaph] 19  Tindog ka, O Jehova! Indi pagtuguti nga magdaug ang mamalatyon nga tawo. Kabay nga hukman ang mga pungsod sa atubangan mo.+ 20  Pahadluka sila, O Jehova,+ Ipahibalo sa mga pungsod nga sila mamalatyon lamang nga mga tawo. (Selah)

Footnote

Tan-awa ang Glossary.
Ukon “Magalanton ako.”
Ukon “mapatubason nga duta.”
Tan-awa ang Glossary.
Ukon “Sheol,” nga amo ang kabilugan nga lulubngan sang katawhan. Tan-awa ang Glossary.