Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 85:1-13

BALAYAN SANG KAUNDAN

  • Pangamuyo nga ipasag-uli

    • Dios magahambal sing paghidait (8)

    • Gugma kag katutom magakitaay (10)

Para sa pangulo sang musika. Salmo sang mga anak nga lalaki ni Kora.+ Isa ka ambahanon. 85  O Jehova, nagpakita ka sing kahamuot sa imo duta;+ Ginpabalik mo ang nabihag nga mga anak ni Jacob.+   Ginpatawad mo ang kasaypanan sang imo katawhan; Ginpasaylo* mo ang tanan nila nga sala.+ (Selah)   Ginpunggan mo ang tanan mo nga kasingkal; Ginpaiway mo ang imo daku nga kaakig.+   Ipasag-uli kami,* O Dios sang amon kaluwasan, Kag indi ka na magkaakig sa amon.+   Tubtob bala sa wala sing katubtuban nga maakig ka sa amon?+ Magapabilin bala ang imo kaakig sa tanan nga kaliwatan?   Indi mo bala kami pagpapagsikon liwat Agod magkalipay ang imo katawhan sa imo?+   O Jehova, ipakita sa amon ang imo mainunungon nga gugma,+ Kag luwasa kami.   Pamatian ko ang ihambal sang matuod nga Dios nga si Jehova, Kay magahambal sia tuhoy sa paghidait sa iya katawhan,+ sa mga mainunungon sa iya, Apang indi na sila dapat magsalig liwat sing sobra sa ila kaugalingon.+   Pat-od gid nga luwason niya ang mga nagakahadlok sa iya,+ Agod magpabilin ang iya kadungganan sa aton duta. 10  Ang mainunungon nga gugma kag katutom magakitaay; Ang pagkamatarong kag paghidait magaupdanay.+ 11  Ang katutom magalambo sa duta, Kag ang iya pagkamatarong magasilak halin sa kalangitan.+ 12  Ihatag ni Jehova ang maayo,*+ Kag ihatag sang aton duta ang patubas sini.+ 13  Ang pagkamatarong magalakat sa iya atubang+ Kag magahimo sing dalan para sa iya mga tikang.

Footnote

Sa literal, “Gintabunan.”
Ukon “Tipuna kami.”
Ukon “kabuganaan.”