Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 84:1-12

BALAYAN SANG KAUNDAN

  • Paghandum sa tabernakulo sang Dios

    • Levinhon luyag mangin pispis (3)

    • “Isa ka adlaw sa imo luwang” (10)

    • ‘Dios, adlaw kag taming’ (11)

Para sa pangulo sang musika sang Gitit.* Salmo sang mga anak nga lalaki ni Kora.+ Isa ka ambahanon. 84  Tuman katahom sang* imo daku nga tabernakulo,+ O Jehova sang mga kasuldadusan!   Nagakahidlaw gid ako,* Huo, nagapalangluya ako sa paghandum Sa mga luwang ni Jehova.+ Ang akon tagipusuon kag unod nagasinggit sa kalipay sa Dios nga buhi.   Bisan ang pispis may pugad didto Amo man ang salimbabatang, Didto ginaatipan sini ang iya boto Malapit sa imo halangdon nga halaran, O Jehova sang mga kasuldadusan, Nga akon Hari kag akon Dios!   Malipayon ang mga nagapuyo sa imo puluy-an!+ Padayon sila nga nagadayaw sa imo.+ (Selah)   Malipayon ang mga tawo nga ang ila kusog halin sa imo,+ Nga ang tagipusuon nahamtang sa malapad nga mga dalan.   Sang nag-agi sila sa Nalupyakan sang Baca,* Ginhimo nila ini nga duog sang mga tuburan; Kag ginpapanaptan ini sang una nga ulan* sing mga pagpakamaayo.   Nagabaskog sila samtang nagapanglakaton;+ Ang tagsa sa ila nagkadto sa atubangan sang Dios sa Sion.   O Jehova nga Dios sang mga kasuldadusan, pamatii ang akon pangamuyo; Pamatii ako, O Dios ni Jacob. (Selah)   Tan-awa ang amon taming+ kag ang amon Dios,* Tuluka ang nawong sang imo hinaplas.+ 10  Kay ang isa ka adlaw sa imo luwang mas maayo pa sangsa isa ka libo sa bisan diin!+ Pilion ko pa nga magtindog sa ganhaan sang puluy-an sang akon Dios Sangsa mag-istar sa mga tolda sang malauton. 11  Kay si Jehova nga Dios amo ang amon adlaw+ kag taming;+ Nagapakita sia sing kahamuot kag nagahatag sing kadungganan. Wala ginadingot ni Jehova ang bisan ano nga maayo Sa mga nagalakat nga may integridad.+ 12  O Jehova sang mga kasuldadusan, Malipayon ang tawo nga nagasalig sa imo.+

Footnote

Tan-awa ang Glossary.
Ukon “Ginahigugma ko gid ang.”
Ukon “ang akon kalag.”
Ukon “nalupyakan sang mga puongpuong sang baca.”
Ukon mahimo, “Kag ginputos sang instruktor ang iya kaugalingon.”
Ukon mahimo, “Tan-awa ang amon taming, O Dios.”