Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 81:1-16

BALAYAN SANG KAUNDAN

  • Pangabay nga magtuman

    • Indi magyaub sa iban nga dios (9)

    • ‘Kon magpamati ka lang kuntani’ (13)

Para sa pangulo sang musika sang Gitit.* Salmo ni Asaf.+ 81  Magsinggit kamo sa kalipay sa Dios nga aton kusog.+ Magsinggit kamo sa kadalag-an sa Dios ni Jacob.   Sugdi na ninyo ang musika kag kuhaa ang tamburin, Ang arpa kag ang de-kuerdas nga instrumento.   Patunuga ninyo ang budyong kon lati ang bulan,+ Kag kon ugsad ang bulan, para sa adlaw sang aton kapiestahan.+   Kay isa ini ka pagsulundan sa Israel, Isa ka kasuguan sang Dios ni Jacob.+   Ginhatag niya ini kay Jose subong isa ka pahanumdom+ Sang naggua Sia batok sa duta sang Egipto.+ Nakabati ako sing tingog* nga indi ko mahangpan:   “Ginkuha ko ang palas-anon sa iya abaga;+ Ang iya mga kamot wala na magbitbit sing alat.   Sang nagakalisod kamo nagpanawag kamo, kag ginluwas ko kamo;+ Ginsabat ko kamo halin sa daguob.*+ Gintilawan ko kamo sa mga tubig sang Meriba.*+ (Selah)   Pamati kamo, O katawhan ko, kag tudluan ko kamo. O Israel, kon magpamati lamang kamo sa akon.+   Dapat nga wala kamo sing iban nga dios, Kag indi kamo dapat magyaub sa iban nga dios.+ 10  Ako si Jehova nga inyo Dios, Ang isa nga nagpagua sa inyo sa duta sang Egipto.+ Ngangaha ang inyo baba, kag pun-on ko ini sing pagkaon.+ 11  Apang wala magpamati sa akon ang akon katawhan; Wala ako gintuman sang Israel.+ 12  Gani ginpabay-an ko sila nga sundon ang ila matig-a nga tagipusuon; Ginhimo nila kon ano ang ginahunahuna nila nga husto.*+ 13  Kon magpamati lamang kuntani sa akon ang akon katawhan,+ Kon sundon lamang kuntani sang Israel ang akon mga dalanon!+ 14  Lutuson ko gilayon ang ila mga kaaway; Silutan ko ang ila mga kasumpong.+ 15  Ang mga nagadumot kay Jehova magakurog sa kahadlok sa iya atubangan, Kag ang ila madangatan* mangin wala sing katubtuban. 16  Apang pakaunon ka* niya sing pinakamaayo* nga trigo+ Kag busgon ka niya sing dugos halin sa igang.”+

Footnote

Tan-awa ang Glossary.
Ukon “lenguahe.”
Sa literal, “sa natago nga duog sang daguob.”
Buot silingon, “Pagpakigbais.”
Sa literal, “Naglakat sila sa ila mga laygay.”
Sa literal, “tion.”
Sa literal, “sia,” ang katawhan sang Dios.
Sa literal, “pinakamatambok.”