Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 8:1-9

BALAYAN SANG KAUNDAN

  • Himaya sang Dios, dignidad sang tawo

    • ‘Halangdon ang imo ngalan!’ (1, 9)

    • Ano ang balor sang tawo? (4)

    • Ginkoronahan sing dungog (5)

Para sa pangulo sang musika sang Gitit.* Salmo ni David. 8  O Jehova nga amon Ginuo, tuman kahalangdon ang imo ngalan sa bug-os nga duta; Ginpakataas mo ang imo kadungganan labaw pa sa kalangitan!+   Paagi sa baba sang mga bata kag mga lapsag+ ginpakita mo ang imo kusog Bangod sa imo mga kaaway, Agod pahipuson ang kaaway kag ang manugtimalos.   Kon makita ko ang kalangitan, ang binuhatan sang imo mga tudlo, Ang bulan kag ang kabituunan nga imo ginhimo,+   Ano gid bala ang mamalatyon nga tawo nga ginadumdom mo sia, Kag ang anak sang tawo nga ginaatipan mo sia?+   Ginhimo mo sia nga mas manubo sangsa mga anghel,* Kag ginkoronahan mo sia sing himaya kag dungog.   Ginpagahom mo sia sa imo mga binuhatan;*+ Ginbutang mo ang tanan sa idalom sang iya mga tiil:   Ang tanan nga panong kag kasapatan, Subong man ang ilahas nga mga sapat,*+   Ang kapispisan sang kalangitan kag ang kaisdaan sang kadagatan, Ang bisan ano nga nagalangoy sa kadagatan.   O Jehova nga amon Ginuo, tuman kahalangdon ang imo ngalan sa bug-os nga duta!

Footnote

Tan-awa ang Glossary.
Ukon “mga tulad-dios.”
Sa literal, “sa mga binuhatan sang imo mga kamot.”
Sa literal, “ang mga sapat sa latagon.”