Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 77:1-20

BALAYAN SANG KAUNDAN

  • Pangamuyo sa tion sang kalisod

    • Pagpamalandong sa binuhatan sang Dios (11, 12)

    • ‘Sin-o ang kaangay sa Dios?’ (13)

Para sa pangulo sang musika sang Jedutun.* Salmo ni Asaf.+ Isa ka ambahanon. 77  Magapanawag ako sing mabaskog sa Dios; Magapanawag ako sing mabaskog sa Dios, kag magapamati sia sa akon.+   Sa tion sang akon kalisdanan ginapangita ko si Jehova.+ Kon gab-i wala untat nga ginabayaw ko* ang akon kamot sa pagpangamuyo. Apang wala gihapon ako* maumpawan.   Kon madumduman ko ang Dios, nagapanghayhay ako;+ Indi ako mapahamtang kag nagapalangluya ako.*+ (Selah)   Wala mo ako ginapatulog; Natublag ako kag indi ako makahambal.   Nadumduman ko ang mga adlaw nga nagliligad,+ Ang madugay na nga tinuig.   Sa kagab-ihon nadumduman ko ang akon ambahanon;*+ Ginpamalandungan ko ini sa akon tagipusuon;+ Gin-usisa ko ini* sing maayo.   Sikwayon bala kami ni Jehova sa wala sing katubtuban?+ Indi na gid bala sia mahamuot liwat sa amon?+   Indi na gid bala sia magpakita sing mainunungon nga gugma? Mangin wala sing pulos na lang bala ang iya ginsaad?   Nalipat na bala ang Dios sa pagpakita sing kaayo,+ Ukon indi na bala sia magpakita sing kaluoy bangod sang iya kaakig? (Selah) 10  Dapat bala ako magsiling: “Amo ini ang ginasakit sang akon buot:*+ Ang Labing Mataas wala na nagabulig sa amon”? 11  Dumdumon ko ang binuhatan ni Jah; Dumdumon ko ang imo makatilingala nga binuhatan sang una. 12  Kag pamalandungan ko ang tanan mo nga binuhatan Kag binagbinagon ko ang imo hinimuan.+ 13  O Dios ko, balaan ang imo dalanon. O Dios ko, ano nga Dios ang gamhanan kaangay sa imo?+ 14  Ikaw ang matuod nga Dios, nga nagahimo sing makatilingala nga mga butang.+ Ginpakita mo ang imo kusog sa katawhan.+ 15  Paagi sa imo gahom* ginluwas* mo ang imo katawhan,+ Ang mga anak ni Jacob kag ni Jose. (Selah) 16  Nakita ka sang mga tubig, O Dios ko; Nakita ka sang mga tubig kag nag-alimbukad ini.+ Kag natublag ang madalom nga katubigan. 17  Ang mga gal-um nagbubo sing tubig. Nagpanaguob ang magal-um nga kalangitan, Kag ang imo mga kilat nagkirab sa palibot nga daw mga baslay.+ 18  Ang tunog sang imo daguob+ daw subong sang tunog sang mga kangga; Nagsanag ang duta* bangod sang pagpangilat;+ Nagkurog kag nag-uyog ang duta.+ 19  Naglakat ka sa dagat,+ Nagtabok ka sa madamo nga tubig; Apang wala sing makita nga agi sang imo mga tiil. 20  Gintuytuyan mo ang imo katawhan kaangay sang isa ka panong,+ Paagi kay* Moises kag Aaron.+

Footnote

Tan-awa ang Glossary.
Sa literal, “nagabinhod.”
Ukon “ang akon kalag.”
Sa literal, “nagakadula ang akon espiritu.”
Ukon “de-kuerdas nga musika.”
Sa literal, “ini sang akon espiritu.”
Ukon “ang nagabuno sa akon.”
Sa literal, “butkon.”
Sa literal, “gintubos.”
Ukon “mapatubason nga duta.”
Sa literal, “Paagi sa kamot ni.”