Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 76:1-12

BALAYAN SANG KAUNDAN

  • Gindaug sang Dios kaaway sang Sion

    • Mahagop ginaluwas sang Dios (9)

    • Bugal sang kaaway paubson (12)

Para sa pangulo sang musika; ambahon upod ang de-kuerdas nga mga instrumento. Salmo ni Asaf.+ Isa ka ambahanon. 76  Ang Dios kilala gid sa Juda;+ Ang iya ngalan bantog sa Israel.+   Ang iya palahuwayan yara sa Salem,+ Kag ang iya puluy-an sa Sion.+   Didto ginpangbali niya ang nagadabdab nga mga baslay, Ang taming kag ang espada kag ang mga armas para sa inaway.+ (Selah)   Nagasilak ka sing tuman kasanag;* Mas halangdon ka sangsa kabukiran nga ginaistaran sang mabangis nga mga sapat.   Ginpang-agaw ang pagkabutang sang mga maisog.+ Natulugan sila; Wala sing nahimo ang mga hangaway.+   O Dios ni Jacob, sa imo pagsabdong Natulugan sing hamuok ang nagasakay sa kangga kag ang kabayo.+   Ginakahadlukan gid ikaw.+ Sin-o bala ang makasarang sang imo nagabalingaso nga kaakig?+   Halin sa langit ginpahayag mo ang imo paghukom;+ Hinadlukan kag nagtinong ang duta+   Sang naghukom ang Dios, Agod luwason ang tanan nga mahagop sa duta.+ (Selah) 10  Kay ang kaakig sang tawo magahatag sa imo sing kadayawan;+ Ang nabilin nila nga kaakig magahatag sa imo sing himaya. 11  Magsaad kamo kay Jehova nga inyo Dios kag tumana ninyo ini,+ Ang tanan nga yara sa iya palibot magdulot nga may kahadlok.+ 12  Paubson niya ang bugal* sang mga pangulo; Ginakahadlukan sia sang mga hari sang duta.

Footnote

Ukon “Ginaputos ka sang kapawa.”
Sa literal, “espiritu.”