Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 75:1-10

BALAYAN SANG KAUNDAN

  • Dios nagahukom sing matarong

    • Malauton magainom sa kopa (8)

Para sa pangulo sang musika. Sa tono sang “Indi Paglaglaga.” Salmo ni Asaf.+ Isa ka ambahanon. 75  Nagapasalamat kami sa imo, O Dios ko, nagapasalamat kami sa imo; Ang imo ngalan yara sa amon,+ Kag ginapahayag sang mga tawo ang imo makatilingala nga mga binuhatan.   Nagsiling ka: “Kon magtalana ako sing tion, Nagahukom ako sing matarong.   Sang natunaw ang duta kag ang tanan nga nagaistar sa sini, Ako ang nagpalig-on sang mga haligi sini.” (Selah)   Nagsiling ako sa bugalon, “Indi ka magpabugal,” Kag sa malauton, “Indi pag-ipabugal ang imo kusog.*   Indi pag-ipabugal ang imo kusog* Ukon maghambal sing matinaastaason.   Kay ang pagbayaw wala nagahalin Sa sidlangan ukon sa katundan ukon sa bagatnan.   Kay ang Dios Hukom.+ Ginapaubos niya ang isa kag ginabayaw ang isa.+   Kay may kopa sa kamot ni Jehova;+ Puno ini sing nagabukal kag maisog nga alak. Ibubo niya ini sing bug-os, Kag pati ang lalod sini imnon sang tanan nga malauton sa duta.”+   Apang isugid ko ini sa wala sing katubtuban; Magaamba ako sing mga pagdayaw* sa Dios ni Jacob. 10  Kay nagsiling sia: “Utdon ko ang tanan nga kusog* sang malauton, Apang bayawon ko ang kusog* sang matarong.”

Footnote

Sa literal, “sungay.”
Sa literal, “sungay.”
Ukon “Magalanton ako.”
Sa literal, “sungay.”
Sa literal, “sungay.”