Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 66:1-20

BALAYAN SANG KAUNDAN

  • Makahalawhaw binuhatan sang Dios

    • ‘Tan-awa binuhatan sang Dios’ (5)

    • ‘Tumanon ko mga panaad ko’ (13)

    • Dios nagapamati pangamuyo (18-20)

Para sa pangulo sang musika. Isa ka ambahanon. Isa ka salmo. 66  Magsinggit kamo bangod sa kadalag-an sa atubangan sang Dios, tanan kamo nga katawhan sa duta.+   Mag-amba kamo sing mga pagdayaw* para sa iya mahimayaon nga ngalan. Himua ang iya kadayawan nga mahimayaon.+   Isiling ninyo sa Dios: “Makahalawhaw gid ang imo mga binuhatan!+ Bangod sang imo daku nga gahom, Ang imo mga kaaway magakurog sa kahadlok.+   Ang tanan nga katawhan sa duta magayaub sa imo;+ Magaamba sila sing mga pagdayaw sa imo; Magaamba sila sing mga pagdayaw sa imo ngalan.”+ (Selah)   Kari kamo kag tan-awa ang mga binuhatan sang Dios. Makahalawhaw ang ginahimo niya sa mga tawo.+   Ginpamala niya ang dagat;+ Gintabok nila ang suba nga nagalakat lang.+ Didto nagkasadya kita bangod sang tanan nga ginhimo niya para sa aton.+   Nagagahom sia sa wala sing katubtuban+ paagi sa iya kusog. Ang iya mga mata padayon nga nagatan-aw sa mga pungsod.+ Ang mga batinggilan indi dapat mangin matinaastaason.+ (Selah)   Dayawa ninyo ang aton Dios,+ Kag ipabati ninyo ang inyo pagdayaw sa iya.   Ginatipigan niya kita nga buhi;*+ Wala niya ginatugutan nga masandad* kita.+ 10  Kay gin-usisa mo kami, O Dios ko;+ Gin-ulay mo kami subong sang pag-ulay sa pilak. 11  Ginpasulod mo kami sa lambat; Ginpabug-atan mo kami.* 12  Ginpatapakan mo kami* sa mga tawo; Naagyan namon ang kalayo kag tubig; Dayon gindala mo kami sa duog sang kaumpawan. 13  Magasulod ako sa imo balay nga may mga dulot nga sinunog;+ Tumanon ko ang akon mga panaad sa imo+ 14  Nga ginmitlang sang akon mga bibig+ Kag ginhambal sang akon baba sang yara ako sa kalisod. 15  Magadulot ako sa imo sang matambok nga mga sapat subong mga dulot nga sinunog, Upod sa aso sang halad nga mga karnero nga lalaki. Magahalad ako sa imo sing toro nga baka kag mga kanding nga lalaki. (Selah) 16  Kari kamo kag magpamati, tanan kamo nga nagakahadlok sa Dios, Kag sugiran ko kamo kon ano ang ginhimo niya sa akon.*+ 17  Nagpanawag ako sa iya, Kag gindayaw ko sia. 18  Kon may ginahuptan ako sa akon tagipusuon nga makahalalit nga butang, Wala kuntani ako ginpamatian ni Jehova.+ 19  Apang nagpamati ang Dios sa akon;+ Ginpamatian niya ang akon pangamuyo.+ 20  Ginadayaw ko ang Dios, kay wala niya pagsikwaya ang akon pangamuyo Ukon gindingot ang iya mainunungon nga gugma sa akon.

Footnote

Ukon “Maglanton kamo.”
Ukon “Ginapahamtang niya ang aton kalag sa kabuhi.”
Ukon “magdulingduling.”
Sa literal, “ang amon balikawang.”
Sa literal, “ang amon ulo.”
Ukon “akon kalag.”