Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 62:1-12

BALAYAN SANG KAUNDAN

  • Matuod nga kaluwasan halin sa Dios

    • “Nagahulat sing mapailubon” (1, 5)

    • ‘Ipautwas ang ginabatyag sa Dios’ (8)

    • Tawo daw huyop sang hangin (9)

    • Indi magsalig sa manggad (10)

Para sa pangulo sang musika sang Jedutun.* Salmo ni David. 62  Sa Dios lang ako* nagahulat sing mapailubon. Sia ang akon kaluwasan.+   Sia lang ang akon igang kag ang akon kaluwasan, ang akon malig-on nga dalangpan;*+ Indi gid ako malingkang kag mapukan.+   Tubtob san-o bala kamo magatinguha nga patyon ang tawo nga ginadumtan ninyo?+ Kamo tanan makatalagam kaangay sang nagahilay nga pader nga daw matumba na.   Nagahimbon sila agod mapahalin sia sa iya mataas nga posisyon;* Nagakalipay sila sa kabutigan. Ang ila baba nagapakamaayo, apang ang ila tagipusuon nagapakamalaut.+ (Selah)   Sa Dios lang ako* nagahulat sing mapailubon+ Kay sia ang akon paglaum.+   Sia lang ang akon igang kag ang akon kaluwasan, ang akon malig-on nga dalangpan; Indi gid ako malingkang.+   Yara sa Dios ang akon kaluwasan kag ang akon kadungganan. Sia ang akon mabakod nga igang kag dalangpan.+   Magsalig kamo sa iya sa tanan nga tion. Ipautwas ninyo sa iya ang inyo ginabatyag.+ Ang Dios amo ang aton dalangpan.+ (Selah)   Ang mga tawo daw isa lang ka huyop sang hangin, Ang mga tawo indi masaligan nga dalangpan.+ Kon timbangon sila sing tingob, mamag-an pa sila sa hangin.+ 10  Indi kamo maglaum nga magmadinalag-on kamo kon mangdaya kamo Ukon magsalig sa inyo makuha sa pagpangawat. Kon magdamo ang inyo manggad, indi ninyo ini pagsaligi.+ 11  Makaduha ko nabatian nga ang Dios nagsiling: Ang gahom iya sang Dios.+ 12  Imo man ang mainunungon nga gugma, O Jehova,+ Kay ginapadyaan mo ang tagsa ka tawo suno sa iya binuhatan.+

Footnote

Tan-awa ang Glossary.
Ukon “ang akon kalag.”
Ukon “malig-on nga kahitaasan.”
Ukon “iya kadungganan.”
Ukon “ang akon kalag.”