Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 61:1-8

BALAYAN SANG KAUNDAN

  • Ang Dios isa ka mabakod nga torre

    • “Mangin dinapit ako sa imo tolda” (4)

Para sa pangulo sang musika; ambahon upod ang de-kuerdas nga mga instrumento. Salmo ni David. 61  O Dios ko, pamatii ang akon pagpangayo sing bulig. Pamatii ang akon pangamuyo.+   Halin sa pinakamalayo nga bahin sang duta magapanawag ako sa imo Kon ginasubuan* ako.+ Dalha ako sa mataas nga igang.+   Kay ikaw ang akon dalangpan, Isa ka mabakod nga torre nga nagaamlig sa akon batok sa kaaway.+   Mangin dinapit ako sa imo tolda sa wala sing katubtuban;+ Magapanago ako sa idalom sang imo mga pakpak.+ (Selah)   Kay nabatian mo, O Dios ko, ang akon mga panaad. Ginhatagan mo ako sing palanublion nga ginahatag sa mga nagakahadlok sa imo ngalan.+   Palawigon mo ang kabuhi* sang hari,+ Kag ang iya mga tuig mangin subong sang madamo nga kaliwatan.   Magagahom* sia sa wala sing katubtuban sa atubangan sang Dios;+ Ipakita* sa iya ang imo mainunungon nga gugma kag pagkamasaligan, agod maamligan sia sini.+   Dayon magaamba ako sing mga pagdayaw* sa imo ngalan sa wala sing katubtuban+ Samtang ginatuman ko ang akon mga panaad sa adlaw-adlaw.+

Footnote

Ukon “magpalangluya.”
Sa literal, “mga adlaw.”
Ukon “Magapuyo.”
Ukon “Itangdo.”
Ukon “magalanton ako.”