Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 60:1-12

BALAYAN SANG KAUNDAN

  • Ginadaug sang Dios ang mga kaaway

    • Pagluwas sang tawo wala pulos (11)

    • ‘Dios magahatag sing kusog’ (12)

Para sa pangulo sang musika; sa tono sang “Ang Liryo sang Pahanumdom.” Miktam.* Salmo ni David. Para sa pagpanudlo. Sang nakig-away sia batok sa mga taga-Aram-naharaim kag sa mga taga-Aram-Zoba, kag sang nagbalik si Joab kag ginpamatay ang 12,000 ka Edominhon sa Nalupyakan sang Asin.+ 60  O Dios ko, ginsikway mo kami; ginlutos mo kami.+ Naakig ka sa amon; apang karon batuna kami liwat!   Gintay-ug mo ang duta; ginpalitik mo ini. Kay-uha ang mga litik sini, kay nagakatiphag ini.   Ginpabudlayan mo ang imo katawhan. Ginpainom mo kami sing alak nga nagpadulingduling sa amon.+   Hatagi* sing palatandaan ang mga nagakahadlok sa imo Agod makapalagyo sila nga indi maigo sang pana. (Selah)   Agod maluwas ang imo mga hinigugma, Luwasa kami sang imo tuo nga kamot kag sabta kami.+   Ang Dios nagpamulong sa iya pagkabalaan:* “Magahugyaw ako, ihatag ko ang Siquem subong palanublion sa akon katawhan,+ Kag takson ko ang Nalupyakan* sang Sucot para sa akon katawhan.+   Akon ang Gilead kag akon ang Manases,+ Kag ang Efraim amo ang helmet* para sa akon ulo; Ang Juda amo ang akon setro.*+   Ang Moab amo ang akon hilinawan.+ Ihaboy ko ang akon sandalyas sa Edom.+ Magasinggit ako bangod sa kadalag-an sa Filistia.”+   Sin-o bala ang magadala sa akon sa nalikupan* nga siudad? Sin-o bala ang manguna sa akon tubtob sa Edom?+ 10  Indi bala ikaw, O Dios ko, nga nagsikway sa amon, Ang amon Dios, nga wala na nagaupod sa amon mga kasuldadusan?+ 11  Buligi kami sa amon kalisdanan, Kay wala sing pulos kon sa tawo kami maglaum sing kaluwasan.+ 12  Hatagan kami sang Dios sing kusog,+ Kag tasakon niya ang amon mga kaaway.+

Footnote

Tan-awa ang Glossary.
Ukon mahimo, “Ginhatagan mo.”
Ukon mahimo, “balaan nga duog.”
Ukon “Manubo nga Patag.”
Sa literal, “pamakod.”
Ang Hebreo nga termino nagapatuhoy sa isa ka malaba nga baston nga nagasimbulo sa kinamatarong sang isa ka kumander sa pagmando.
Ukon mahimo, “napamakuran.”