Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 58:1-11

BALAYAN SANG KAUNDAN

  • May Dios nga nagahukom sa duta

    • Pangamuyo nga malauton silutan (6-8)

Para sa pangulo sang musika; sa tono sang “Indi Paglaglaga.” Salmo ni David. Miktam.* 58  Makahambal bala kamo tuhoy sa pagkamatarong kon nagahipos lang kamo?+ Makahukom bala kamo sing matarong?+   Sa baylo, nagapadihot kamo sing malaut sa inyo tagipusuon,+ Kag ginapalapnag ninyo ang kasingki sa duta.+   Ang malauton nagtalang* halin pa sang iya pagkabun-ag;* Balingag kag butigon na sila halin pa sang ila pagkatawo.   Ang ila dalit daw dalit sang man-ug;+ Bungol sila kaangay sang kobra nga nagatakop sang iya dulunggan.   Indi ini magpamati sa tingog sang mga babaylan, Bisan daw ano pa sila ka sampaton sa pag-anta.   O Dios ko, ungaba ang ila mga ngipon! O Jehova, buk-a ang sag-ang sini nga mga leon!*   Kabay nga madula sila kaangay sang tubig nga nagahubas. Kabay nga inaton Niya ang iya pana kag pukanon sila paagi sa iya mga baslay.   Kabay nga mangin kaangay sila sang taklong nga nagakatunaw samtang nagalakat; Kaangay sang bata nga nahar-as nga wala gid makakita sang adlaw.   Antes mabatyagan sang inyo mga kolon ang init sang nagasagrab nga tunukon nga tanom, Kaangay sang unos, paliron sang Dios ang basa kag ang nagasagrab nga kagingking.+ 10  Ang matarong magakasadya bangod nakita niya ang pagtimalos sa mga malauton;+ Mabasa ang iya mga tiil sa dugo sang malauton.+ 11  Dayon magasiling ang mga tawo: “Sa pagkamatuod may padya ang matarong.+ Matuod gid nga may Dios nga nagahukom sa duta.”+

Footnote

Tan-awa ang Glossary.
Ukon “balingag.”
Sa literal, “halin pa sa taguangkan.”
Ukon “sang may bungaybungay nga bataon nga mga leon.”