Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 56:1-13

BALAYAN SANG KAUNDAN

  • Pangamuyo sang ginahingabot

    • “Sa Dios ako nagasalig” (4)

    • “Luha sa imo panit nga suludlan” (8)

    • ‘Ano ang mahimo sang tawo?’ (4, 11)

Para sa pangulo sang musika; sa tono sang “Ang Mahipos nga Salampati nga Yara sa Malayo.” Salmo ni David. Miktam.* Sang nadakpan sia sang mga Filistinhon sa Gat.+ 56  O Dios ko, kaluy-i ako kay ginasalakay* ako sang tawo. Wala sila nagauntat sa pagpakig-away kag pagpigos sa akon.   Padayon ako nga ginasalakay sang akon mga kaaway; Madamo ang nagapahambog nga nagapakig-away sa akon.   Sa tion nga nahadlok ako,+ nagasalig ako sa imo.+   Sa Dios—nga ang pulong akon ginadayaw— Sa Dios ako nagasalig; wala ako mahadlok. Ano bala ang mahimo sa akon sang tawo?*+   Sa bug-os nga adlaw ginagamo nila ako; Wala sila sing ginapamensar kundi halitan ako.+   Nagapanago sila agod salakayon ako; Ginabantayan nila ang akon tagsa ka tikang,+ Sa tuyo nga kuhaon ang akon kabuhi.*+   Sikwaya sila bangod sang ila kalautan. O Dios ko, sa imo kaakig laglaga ang mga pungsod.+   Ginasundan mo ang akon paglaaslaas.+ Isulod ang akon mga luha sa imo panit nga suludlan.+ Indi bala nga nasulat ini sa imo libro?+   Kon magpangayo ako sing bulig sa imo, magapalagyo ang akon mga kaaway.+ May pagsalig ako nga ang Dios dampig sa akon.+ 10  Sa Dios—nga ang pulong akon ginadayaw— Kay Jehova—nga ang pulong akon ginadayaw— 11  Sa Dios ako nagasalig; wala ako mahadlok.+ Ano bala ang mahimo sa akon sang tawo?+ 12  O Dios ko, may mga panaad ako sa imo nga dapat ko tumanon;+ Magahatag ako sa imo sing mga halad sa pagpasalamat.+ 13  Kay ginluwas mo ako* sa kamatayon+ Kag wala mo gintugutan nga masandad ako,+ Agod padayon ako nga makalakat sa atubangan sang Dios sa kapawa sang mga buhi.+

Footnote

Tan-awa ang Glossary.
Ukon “ginalamon.”
Sa literal, “unod?”
Ukon “kalag.”
Ukon “ang akon kalag.”