Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 52:1-9

BALAYAN SANG KAUNDAN

  • Pagsalig sa gugma sang Dios

    • Paandam sa nagapabugal (1-5)

    • Di-diosnon nagasalig sa manggad (7)

Para sa pangulo sang musika. Maskil.* Salmo ni David, sang nag-abot si Doeg nga Edominhon kag nanugid kay Saul nga nagkadto si David sa balay ni Ahimelec.+ 52  Ikaw nga gamhanan nga tawo, ngaa bala ginapabugal mo ang imo kalautan?+ Wala ka bala makahibalo nga ang mainunungon nga gugma sang Dios nagapadayon sa bug-os nga adlaw?+   Ang imo dila, matalom kaangay sang labaha,+ Nagapadihot sing kalautan kag nagapangdaya.+   Mas ginahigugma mo ang malain sangsa maayo, Ang paghambal sing kabutigan sa baylo sang kamatuoran. (Selah)   Ikaw nga may madaya nga dila, Ginahigugma mo ang tanan nga makahalalit nga pulong!   Gani pukanon ka sang Dios sing dayon;+ Dakpon ka niya kag guyuron pagua sa imo tolda;+ Gabuton ka niya sa duta sang mga buhi.+ (Selah)   Makita ini sang mga matarong kag mahayanghag sila,+ Kag kadlawan nila ang malauton.+   “Amo ini ang tawo nga wala nagahimo sa Dios nga iya dalangpan,*+ Kundi nagasalig sa iya madamo nga manggad+ Kag nagasandig* sa iya malaut nga mga plano.”*   Apang mangin kaangay ako sang madabong nga kahoy nga olibo sa balay sang Dios; Magasalig ako sa mainunungon nga gugma sang Dios+ sa wala sing katubtuban.   Dayawon ko ikaw sa wala sing katubtuban bangod sang imo ginhimo;+ Sa atubangan sang imo mainunungon nga katawhan, Magasalig ako sa imo ngalan+ kay maayo ini.

Footnote

Tan-awa ang Glossary.
Ukon “pamakod.”
Ukon “nagapasilong.”
Sa literal, “sa kalainan nga iya ginhimo.”