Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 5:1-12

BALAYAN SANG KAUNDAN

  • Si Jehova, dalangpan sang matarong

    • Dios ginadumtan ang kalautan (4, 5)

    • ‘Tuytuyi ako sa matarong’ (8)

Para sa pangulo sang musika sang Nehilot.* Salmo ni David. 5  O Jehova, pamatii ang akon ginasiling;+ Talupangda ang akon pagpanghayhay.   Pamatii ang akon pagpangayo sing bulig, O Hari ko kag Dios ko, kay sa imo nagapangamuyo ako.   O Jehova, mabatian mo ang akon tingog sa aga;+ Sa aga ipabutyag ko sa imo ang akon kabalaka+ kag magahulat ako sang imo sabat.   Kay ikaw Dios nga wala mahamuot sa kalautan;+ Wala sing malain nga tawo nga magaistar upod sa imo.+   Wala sing bugalon nga magatindog sa imo atubangan. Ginadumtan mo ang tanan nga nagahimo sing kalautan;+   Laglagon mo ang mga butigon.+ Ginakangil-aran ni Jehova ang mga mapintas kag nagapangdaya.*+   Apang magasulod ako sa imo balay+ bangod sang imo mainunungon nga gugma;+ Magayaub ako nga nagaatubang sa imo balaan nga templo* bangod sa kahadlok sa imo.+   O Jehova, tuytuyi ako sa imo matarong nga dalanon bangod sang akon mga kaaway; Buligi ako nga maglakat sa imo dalanon nga indi masandad.+   Kay ang ila ginasiling indi masaligan; Puno sila sing kalautan; Ang ila baba daw kaangay sang bukas nga lulubngan; Nagapang-into sila paagi sa ila dila.*+ 10  Apang pakamalauton sila sang Dios; Mapukan sila bangod sang ila malain nga mga plano.+ Kabay nga tabugon sila bangod sang ila madamo nga paglapas, Kay nagrebelde sila sa imo. 11  Apang ang tanan nga nagadangop sa imo magakasadya;+ Magahugyaw sila pirme sa kalipay. Balabagan mo ang magahalit sa ila, Kag magakasadya ang mga nagahigugma sang imo ngalan. 12  Kay pakamaayuhon mo ang matarong, O Jehova; Kaangay sang daku nga taming ang imo kahamuot magaamlig sa ila.+

Footnote

Tan-awa ang Glossary.
Ukon “ang tawo nga nagapatulo sang dugo kag nagapangdaya.”
Ukon “santuaryo.”
Ukon “Nagagamit sila sing madanlog nga dila.”