Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 47:1-9

BALAYAN SANG KAUNDAN

  • Dios ang Hari sa bug-os nga duta

    • ‘Si Jehova makahalawhaw’ (2)

    • Mag-amba sing mga pagdayaw (6, 7)

Para sa pangulo sang musika. Salmo sang mga anak nga lalaki ni Kora.+ Isa ka ambahanon. 47  Magpalakpak kamo tanan nga katawhan. Magsinggit kamo sa kalipay sa atubangan sang Dios bangod sang kadalag-an.   Kay si Jehova nga Labing Mataas makahalawhaw;+ Sia ang gamhanan nga Hari sa bug-os nga duta.+   Ginapasakop niya ang katawhan sa aton; Ginbutang niya ang mga pungsod sa idalom sang aton mga tiil.+   Sia ang nagapili sang aton palanublion,+ Ang bugal ni Jacob, nga iya ginahigugma.+ (Selah)   Nagsaka ang Dios sa iya trono samtang ang mga tawo nagasinggit sa kalipay; Nagsaka si Jehova sa iya trono samtang ang mga tawo nagapatunog sing budyong.*   Mag-amba kamo sing mga pagdayaw* sa Dios, mag-amba kamo sing mga pagdayaw. Mag-amba kamo sing mga pagdayaw sa aton Hari, mag-amba kamo sing mga pagdayaw.   Kay ang Dios amo ang Hari sang bug-os nga duta;+ Mag-amba kamo sing mga pagdayaw, kag magpakita sing paghangop.   Ang Dios nangin Hari sa mga pungsod.+ Ang Dios nagapungko sa iya balaan nga trono.   Ang mga manuggahom sang katawhan nagtilipon Upod sa katawhan sang Dios ni Abraham. Kay ang mga manuggahom* sang duta iya sang Dios. Tuman kataas sang iya nahamtangan.+

Footnote

Ukon “sungay sang karnero nga lalaki; trumpeta.”
Ukon “Maglanton kamo.”
Sa literal, “mga taming.”