Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 41:1-13

BALAYAN SANG KAUNDAN

  • Pangamuyo sang nagabalatian

    • Dios magabulig sa nagabalatian (3)

    • Ginluiban sang suod nga abyan (9)

Para sa pangulo sang musika. Salmo ni David. 41  Malipayon ang nagapatugsiling sa mga kubos;+ Luwason sia ni Jehova sa adlaw sang kalalat-an.   Bantayan sia ni Jehova kag amligan ang iya kabuhi. Kabigon sia nga malipayon sa duta;+ Indi mo sia pag-itugyan sa luyag* sang iya mga kaaway.+   Buligan sia ni Jehova kon magbalatian sia;+ Islan mo ang iya hiligdaan sa tion sang iya pagbalatian.   Kay nagsiling ako: “O Jehova, kaluy-i ako.+ Ayuha ako,*+ kay nakasala ako sa imo.”+   Apang ang akon mga kaaway naghambal sing malain tuhoy sa akon: “San-o pa bala sia mapatay agod malimtan na sia?”   Kon ang isa sa ila magduaw sa akon, kabutigan ang ginahambal niya. Nagapangita sia sing butang nga makahalit sa akon; Dayon nagalakat sia kag ginapamaba ini.   Ang tanan nga nagadumot sa akon nagahinutikay batok sa akon; Nagapahito sila sing malain batok sa akon:   “May malala sia nga balatian; Nagaparumatay na lang sia, indi na gid sia mag-ayo.”+   Bisan ang akon suod nga abyan, ang isa nga akon ginasaligan,+ Nga nagakaon sang akon tinapay nagsumpong sa akon.*+ 10  Apang kaluy-i ako kag ayuha, O Jehova, Agod mapapanabat ko sila sa ila ginhimo. 11  Paagi sa sini mahibaluan ko nga nahamuot ka sa akon: Kon ang akon kaaway indi makasinggit sing madinalag-on batok sa akon.+ 12  Kon tuhoy sa akon, ginasakdag mo ako bangod sang akon integridad;+ Mahamuot ka sa akon* sa wala sing katubtuban.+ 13  Kabay nga mabaton ni Jehova nga Dios sang Israel ang pagdayaw Tubtob sa wala sing katubtuban.*+ Amen kag Amen.

Footnote

Ukon “handum; kalag.” Tan-awa ang Glossary.
Ukon “ang akon kalag.”
Sa literal, “nagbayaw sang iya tikod batok sa akon.”
Sa literal, “Ipahamtang mo ako sa imo atubangan.”
Ukon “Halin sa wala sing katapusan tubtob sa wala sing katapusan.”