Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 4:1-8

BALAYAN SANG KAUNDAN

  • Pangamuyo sang pagsalig sa Dios

    • ‘Maakig pero indi magpakasala’ (4)

    • “Magatulog nga may kalinong” (8)

Para sa pangulo sang musika; ambahon upod ang de-kuerdas nga mga instrumento. Salmo ni David. 4  Kon manawag ako, sabta ako, O akon matarong nga Dios.+ Hatagi ako sing palalagyuhan* sa akon kalisdanan. Kaluy-i ako kag pamatii ang akon pangamuyo.   Kamo nga mga tawo, tubtob san-o ninyo ako pakahuy-an? Tubtob san-o ninyo higugmaon ang wala sing pulos kag pangitaon ang kabutigan? (Selah)   Dumduma ninyo nga ginapadunggan ni Jehova ang mainunungon sa iya;* Mamati si Jehova kon manawag ako sa iya.   Kon mangakig kamo, indi kamo magpakasala.+ Magpakalinong kamo sa inyo hiligdaan, kag magpamalandong sa inyo tagipusuon. (Selah)   Magdulot kamo sing mga halad sang pagkamatarong, Kag magsalig kay Jehova.+   Madamo ang nagasiling: “Sin-o ang magapakita sing kaayo sa amon?” O Jehova, kahamut-i kami.+   Ginpuno mo sing kalipay ang akon tagipusuon Labaw pa sa kalipay sang mga nagaani sing bugana nga uyas kag bag-o nga alak.   Magahigda ako kag magatulog nga may kalinong,+ Kay ikaw lamang, O Jehova, ang makahatag sa akon sing kalig-unan.+

Footnote

Sa literal, “Hatagi ako sing masangkad nga lugar.”
Ukon “nga kilala niya ang mainunungon sa iya; nga ginapain niya ang mainunungon para sa iya.”