Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 38:1-22

BALAYAN SANG KAUNDAN

  • Pangamuyo sang mahinulsulon

    • ‘Natublag kag nagkalisod’ (6)

    • Ginapamatian ang nagahulat (15)

    • ‘Natublag ako sang akon sala’ (18)

Salmo ni David, agod magpahanumdom. 38  O Jehova, indi ako pagsabdunga bangod sang imo kaakig, Indi ako pagtadlunga bangod sang imo kasingkal.+   Kay daw ginpana mo ako, Kag nabatyagan ko ang kasakit sang imo silot.+   Bangod sang imo kaakig masakit ang akon bug-os nga lawas.* Wala ako sing kalinong bangod sang akon sala.+   Kay ang akon mga sala tagalumapaw;+ Kaangay sang mabug-at nga palas-anon, indi ko ini masarangan.   Ang akon mga pilas nagbaho kag nagnana Bangod sang akon kabuangan.   Natublag ako kag nagbuluktot sa kalisod; Nagapangasubo ako sa bug-os nga adlaw.   Daw may nagadabdab sa sulod ko;* Nagapalanakit ang bug-os ko nga lawas.+   Nagpalaminhod ako kag daw nadugmok; Nag-ugayong* ako bangod sang kalisod sang akon tagipusuon.   O Jehova, nahibaluan mo ang tanan ko nga handum, Kag wala matago sa imo ang akon paghibubun-ot. 10  Nagkubakuba ang akon dughan, nadula ang akon kusog, Kag nagdulom ang akon panulok.+ 11  Bangod sang akon balatian, ginlikawan ako sang akon mga abyan kag mga kaupod, Kag ang akon suod nga mga kilala nagtindog lang sa unhan. 12  Ang mga luyag magpatay sa akon* nagbutang sing mga tugalbong; Ang mga nagatinguha sa paghalit sa akon naghambal batok sa akon;+ Sa bug-os nga adlaw nagapahito sila sa paglimbong sa akon. 13  Apang kaangay sang bungol, wala ako mamati;+ Kaangay sang apa, wala ako maghambal.+ 14  Nangin kaangay ako sang tawo nga indi makabati, Nga wala sing ginsiling sa pagpangapin. 15  Kay naghulat ako sa imo, O Jehova,+ Kag ginsabat mo ako, O Jehova nga akon Dios.+ 16  Kay nagsiling ako: “Kabay nga indi sila magkalipay Ukon magpahambog kon makadalin-as ako.” 17  Kay daw matumba na ako, Kag wala untat ang akon kasakit.+ 18  Gintu-ad ko ang akon kasaypanan;+ Natublag ako bangod sang akon sala.+ 19  Apang mapagsik* kag makusog ang akon mga kaaway,* Nagdamo ang nagadumot sa akon sa wala sing kabangdanan. 20  Ginbalusan nila sing malain ang akon kaayo; Ginapamatukan nila ang akon paghimo sing maayo. 21  O Jehova, indi ako pagbayai. O Dios ko, indi ka magpalayo sa akon.+ 22  Buligi ako gilayon, O Jehova nga akon kaluwasan.+

Footnote

Sa literal, “wala sing maayo nga bahin sa akon unod.”
Sa literal, “Ang akon balikawang nagadabdab.”
Ukon “Nagngurob.”
Ukon “sang akon kalag.”
Sa literal, “buhi.”
Ukon mahimo, “Apang madamo ang akon kaaway sa wala sing kabangdanan.”