Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 36:1-12

BALAYAN SANG KAUNDAN

  • Mainunungon nga gugma sang Dios

    • Malauton wala kahadlok sa Dios (1)

    • Dios, tuburan sang kabuhi (9)

    • “Paagi sa imo kapawa makakita kami sing kapawa” (9)

Para sa pangulo sang musika. Salmo ni David, nga alagad ni Jehova. 36  Ang sala nagapakighambal sa tagipusuon sang malauton; Wala sia sing kahadlok sa Dios.+   Para sa iya pagtamod tuman sia kataas Nga indi niya makita kag madumtan ang iya kasaypanan.+   Makahalalit kag malimbungon ang iya ginahambal; Wala na sia nagahunahuna sa paghimo sing maayo.   Bisan nagahigda sia nagapahito sia sing malain. Nagatindog sia sa indi maayo nga dalanon; Wala niya ginasikway ang malain.   O Jehova, ang imo mainunungon nga gugma nagalambot sa mga langit,+ Ang imo katutom nagalambot sa mga panganod.   O Dios ko, ang imo pagkamatarong kaangay sang imo kabukiran;+ Ang imo paghukom kaangay sang malapad kag madalom nga katubigan.+ Ginaamligan* mo ang tawo kag sapat, O Jehova.+   Hamili gid ang imo mainunungon nga gugma, O Dios ko!+ Sa landong sang imo mga pakpak, Nagadangop ang mga tawo.+   Nagapaayaw sila inom sang pinakamaayo* nga butang sa imo balay,+ Kag ginapainom mo sila sa imo suba sang kaayo.+   Ikaw ang tuburan sang kabuhi;+ Paagi sa imo kapawa makakita kami sing kapawa.+ 10  Padayuna ang pagpakita sing mainunungon nga gugma sa mga nakakilala sa imo,+ Kag sing pagkamatarong sa mga matarong.+ 11  Indi pagtuguti ang mga matinaastaason nga salakayon ako Ukon ang mga malauton nga tabugon ako. 12  Nalaglag ang mga nagahimo sing malain; Napukan sila kag indi na makabangon.+

Footnote

Ukon “Ginaluwas.”
Sa literal, “pinakamatambok.”