Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 35:1-28

BALAYAN SANG KAUNDAN

  • Pangamuyo nga luwason sa kaaway

    • Mga kaaway pagatabugon (5)

    • Dios pagadayawon sa katawhan (18)

    • Gindumtan nga wala sing rason (19)

Salmo ni David. 35  O Jehova, pangapini ang akon kaso batok sa mga nagapamatok sa akon;+ Magpakig-away ka sa mga nagapakig-away sa akon.+   Kuhaa ang imo gamay* kag daku nga taming,+ Kag pangapini ako.+   Ihana ang imo bangkaw kag wasay batok sa mga nagalagas sa akon.+ Isiling sa akon:* “Ako ang imo kaluwasan.”+   Kabay nga mahuy-an kag mapaslawan ang mga nagaayam sang akon kabuhi.*+ Kabay nga mag-isol sa kahuya ang mga nagaplano sa paglaglag sa akon.   Kabay nga mangin kaangay sila sang upa nga ginapalid sang hangin; Kabay nga tabugon sila sang anghel ni Jehova.+   Kabay nga magdulom kag magdanlog ang ila dalanon Samtang ginalagas sila sang anghel ni Jehova.   Kay sa wala sing kabangdanan nagbutang sila sing lambat agod masiod ako; Sa wala sing kabangdanan nagkutkot sila sing tugalbong para sa akon.*   Kabay nga makibot sila sa kalaglagan nga magaabot sa ila; Kabay nga sila ang masiod sa lambat nga ginbutang nila sing tago; Kabay nga mahulog sila sa sini kag malaglag.+   Apang magakalipay ako* kay Jehova; Magakasadya ako sa iya pagluwas. 10  Magasiling ako: “O Jehova, sin-o bala ang kaangay mo? Ginaluwas mo ang maluya sa mga makusog,+ Ang maluya kag imol sa mga nagapangawat sa ila.”+ 11  Nagtindog ang butig nga mga saksi,+ Ginapamangkot nila ako sang mga butang nga wala ko mahibaluan. 12  Ginabalusan nila sing malain ang akon kaayo,+ Gani nasubuan gid ako.* 13  Apang sang nagmasakit sila, nagsuksok ako sing sako; Nagpuasa ako,* Sang wala ginsabat* ang akon pangamuyo para sa ila, 14  Naglakatlakat ako kaangay sang nagalalaw tungod sa akon abyan ukon utod; Nagduko ako nga nagapangasubo kaangay sang tawo nga nagalalaw sa iya iloy. 15  Apang sang nasandad ako, nagkasadya sila kag nagtipon; Nagtipon sila agod liputon ako kag lampusan; Wala untat ang ila pagpasipala sa akon. 16  Ang mga indi diosnon nagyaguta sa akon,* Nagpabagrot sila sang ila mga ngipon batok sa akon.+ 17  O Jehova, tubtob bala san-o nga magatan-aw ka lang?+ Luwasa ako* sa ila pagpangsalakay,+ Ang akon bilidhon nga kabuhi* sa bataon nga mga leon.*+ 18  Dayon dayawon ko ikaw sa daku nga kongregasyon;+ Dayawon ko ikaw sa madamo nga katawhan. 19  Indi pagtuguti nga kadlawan ako sang akon mga kaaway nga wala sing kabangdanan; Indi pagtuguti nga yagutaon*+ ako sang mga nagadumot sa akon sa wala sing kabangdanan.+ 20  Kay wala sila nagahambal agod mapaluntad ang paghidait, Kundi nagapahito sila sing malimbungon batok sa mga mahidaiton sa duta.+ 21  Kag ginayaguta nila ako, Nga nagasiling: “Aha! Aha! Nakita namon ang imo ginhimo.” 22  Nakita mo ini, O Jehova. Indi ka maghipos.+ O Jehova, indi ka magpalayo sa akon.+ 23  Magmata ka kag pangapini ako, O Jehova nga akon Dios, pangapini ako sa akon kaso. 24  Hukmi ako suno sa imo pagkamatarong,+ O Jehova nga akon Dios; Indi pagtuguti nga kadlawan nila ako. 25  Kabay nga indi sila magsiling sa ila kaugalingon: “Natuman ang luyag namon.” Kabay nga indi sila magsiling: “Ginlamon namon sia.”+ 26  Kabay nga mahuy-an ang tanan Nga nagakadlaw sa akon kalamidad. Kabay nga ang mga nagapahambog batok sa akon mahuy-an kag mapaslawan. 27  Apang kabay nga ang mga nagakalipay sa akon pagkamatarong magsinggit sa kalipay; Kabay nga padayon sila nga magsiling: “Dayawon si Jehova, nga nagakalipay sa paghidait sang iya alagad.”+ 28  Dayon isugid* ko ang imo pagkamatarong+ Kag dayawon ka sa bug-os nga adlaw.+

Footnote

Gamay nga taming nga masami ginagamit sang mga manugpana.
Ukon “akon kalag.”
Ukon “kalag.”
Ukon “akon kalag.”
Ukon “ang akon kalag.”
Ukon “ang akon kalag.”
Ukon “ang akon kalag.”
Ukon “Sang nagbalik sa akon sabak.”
Ukon mahimo, “Ang indi diosnon nagyaguta bangod sang tinapay.”
Ukon “ang akon kalag.”
Sa literal, “Ang akon lamang isa,” nagapatuhoy sa iya kalag, ukon kabuhi.
Ukon “sa may bungaybungay nga bataon nga mga leon.”
Ukon “pangilayan,” subong pagyaguta.
Ukon “pamalandungan.”