Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 33:1-22

BALAYAN SANG KAUNDAN

  • Pagdayaw sa Manunuga

    • ‘Mag-amba para sa iya’ (3)

    • Pagtuga paagi sa pulong, espiritu (6)

    • Pungsod ni Jehova malipayon (12)

    • Mata ni Jehova nagabantay (18)

33  Maghugyaw kamo sa kalipay tungod kay Jehova, kamo nga mga matarong.+ Nagakaigo nga dayawon sia sang mga nagakabuhi sing bunayag.   Magpasalamat kamo kay Jehova paagi sa arpa; Mag-amba kamo sing mga pagdayaw* sa iya paagi sa instrumento nga may napulo ka kuerdas.   Mag-amba kamo sa iya sing bag-o nga ambahanon;+ Panamia gid ninyo ang pagtokar sang de-kuerdas nga mga instrumento, upod ang pagsinggit sa kalipay.   Kay ang pulong ni Jehova matarong,+ Kag masaligan ang tanan niya nga ginahimo.   Ginahigugma niya ang pagkamatarong kag katarungan.+ Napuno ang duta sang mainunungon nga gugma ni Jehova.+   Paagi sa pulong ni Jehova natuga ang mga langit,+ Kag paagi sa espiritu* sang iya baba ang tanan nga butang sa sini.*   Ginapunong niya ang mga tubig sang dagat;+ Ginatipon niya ang nagaalimbukad nga mga tubig.   Kabay nga magkahadlok kay Jehova ang bug-os nga duta.+ Kabay nga magkurog sa iya ang tanan nga pumuluyo sang duta.   Kay nagsiling sia, kag ini nahimo;+ Nagsugo sia, kag ini natuman.+ 10  Ginpaslaw ni Jehova ang pahito* sang mga pungsod;+ Ginpunggan niya ang mga plano* sang mga tawo.+ 11  Apang ang mga pamat-od* ni Jehova magapadayon sa wala sing katubtuban;+ Ang iya mga panghunahuna magapabilin sa tanan nga kaliwatan. 12  Malipayon ang pungsod nga ang Dios amo si Jehova,+ Ang katawhan nga iya ginpili nga panag-iyahan.+ 13  Halin sa langit nagatulok si Jehova; Makita niya ang tanan nga tawo.+ 14  Halin sa iya puluy-an, Ginatulok niya ang tanan nga nagaistar sa duta. 15  Sia ang nagadihon sang tagipusuon sang tanan; Ginausisa niya ang tanan nila nga ginahimo.+ 16  Wala sing hari nga maluwas sang madamo nga kasuldadusan;+ Ang gamhanan nga tawo indi maluwas sang iya daku nga kusog.+ 17  Ang kabayo indi makahatag sing kaluwasan;*+ Ang daku nga kusog sini indi makapasalig sang kaluwasan. 18  Ang mata ni Jehova nagabantay sa mga nagakahadlok sa iya,+ Sa mga nagasalig sa iya mainunungon nga gugma, 19  Agod luwason sila* sa kamatayon Kag agod amligan sila sa tion sang tiggulutom.+ 20  Nagalaum kami* kay Jehova. Sia ang nagabulig sa amon kag amon taming.+ 21  Nagakasadya kami tungod sa iya, Kay nagasalig kami sa iya balaan nga ngalan.+ 22  O Jehova, kabay nga ang imo mainunungon nga gugma magpabilin sa amon,+ Samtang padayon kami nga nagasalig sa imo.+

Footnote

Ukon “Maglanton kamo.”
Ukon “ginhawa.”
Sa literal, “tanan nila nga kasuldadusan.”
Ukon “laygay.”
Ukon “hunahuna.”
Ukon “laygay.”
Ukon “kadalag-an.”
Ukon “ang ila kalag.”
Ukon “ang amon kalag.”