Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 29:1-11

BALAYAN SANG KAUNDAN

  • Gamhanan nga tingog ni Jehova

    • Magsimba nga nagasul-ob sang balaan nga panapton (2)

    • ‘Ang Dios nagapadaguob’ (3)

    • Ginapabaskog ang iya katawhan (11)

Salmo ni David. 29  Padunggi ninyo si Jehova, kamo nga mga anak sang mga gamhanan, Padunggi ninyo si Jehova bangod sang iya himaya kag kusog.+   Ihatag ninyo kay Jehova ang himaya nga nagakadapat sa iya ngalan. Magyaub* kamo kay Jehova nga nagasul-ob sing balaan nga panapton.*   Ang tingog ni Jehova mabatian sa ibabaw sang mga tubig; Ang mahimayaon nga Dios nagapadaguob.+ Si Jehova yara sa ibabaw sang madamo nga tubig.+   Ang tingog ni Jehova gamhanan;+ Ang tingog ni Jehova mahimayaon.   Ang tingog ni Jehova nagabali sang mga kahoy nga sedro; Huo, ginadugmok ni Jehova ang mga sedro sang Lebanon.+   Ginapalumpatlumpat niya ang Lebanon* kaangay sang tinday nga baka, Kag ang Sirion+ kaangay sang toro nga baka nga talunon.   Ang tingog ni Jehova nagaigo nga may dabdab sang kalayo;+   Ang tingog ni Jehova nagapatay-ug sa kamingawan;+ Ginapatay-ug ni Jehova ang kamingawan sang Kades.+   Ang tingog ni Jehova nagapakurog kag nagapabata sa usa Kag nagapakalbo sang kagulangan.+ Kag ang tanan sa iya templo nagasiling: “Himayaon ang Dios!” 10  Si Jehova nagagahom sa baha;*+ Nagagahom si Jehova subong Hari sa wala sing katubtuban.+ 11  Pabaskugon ni Jehova ang iya katawhan.+ Hatagan ni Jehova sing paghidait ang iya katawhan.+

Footnote

Ukon “Magsimba.”
Ukon mahimo, “bangod sang pagkahalangdon sang iya pagkabalaan.”
Mahimo gid nga nagapatuhoy sa kabukiran sang Lebanon.
Ukon “langitnon nga dagat.”