Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 28:1-9

BALAYAN SANG KAUNDAN

  • Ginpamatian ang pangamuyo sang salmista

    • ‘Si Jehova akon kusog kag taming’ (7)

Salmo ni David. 28  Nagapanawag ako sa imo, O Jehova nga akon Igang;+ Pamatii ako. Kon indi mo ako pagsabton, Mangin subong ako sang mga nagapanaug sa buho.*+   Pamatii ang akon mga pakiluoy kon nagapangayo ako sa imo sing bulig Samtang nagapangamuyo ako nga ginabayaw ang akon mga kamot sa labing balaan nga hulot* sang imo santuaryo.+   Indi ako pagsiluti upod sa mga malauton kag sa mga tawo nga nagapanghalit,+ Nagahambal sila sing mahidaiton sa ila mga isigkatawo apang malain ang ila tagipusuon.+   Balusi sila suno sa ila ginahimo,+ Suno sa ila malaut nga mga buhat. Balusi ang binuhatan sang ila mga kamot, Suno sa ila ginhimo.+   Kay ginabalewala nila ang mga hinimuan ni Jehova,+ Ukon ang mga binuhatan sang iya mga kamot.+ Tumbahon niya sila kag indi sila pagpabangunon.   Kabay nga dayawon si Jehova, Kay ginpamatian niya ang akon pagpangayo sing bulig.   Si Jehova amo ang akon kusog+ kag ang akon taming;+ Nagasalig ako sa iya.+ Ginbuligan niya ako, kag nagakalipay gid ako, Gani dayawon ko sia sa akon ambahanon.   Si Jehova amo ang kusog sang iya katawhan; Isa sia ka kuta nga nagahatag sing kaluwasan sa iya hinaplas.+   Luwasa ang imo katawhan, kag pakamaayuha ang imo palanublion.+ Bantayi sila kaangay sang manugbantay sang karnero kag kungkunga sila sa imo mga butkon sa wala sing katubtuban.+

Footnote

Ukon “lulubngan.”
Sa literal, “sa pinakasulod nga hulot.”