Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 27:1-14

BALAYAN SANG KAUNDAN

  • Si Jehova, ang kuta sang akon kabuhi

    • Apresasyon sa templo (4)

    • Nagaulikid si Jehova bisan ang mga ginikanan wala (10)

    • “Magsalig ka kay Jehova” (14)

Salmo ni David. 27  Si Jehova amo ang akon kapawa+ kag ang akon kaluwasan. Sin-o bala ang kahadlukan ko?+ Si Jehova amo ang kuta sang akon kabuhi.+ Sin-o bala ang kakugmatan ko?   Sang ginsalakay ako sang akon malauton nga mga kaaway agod patyon,+ Nasandad sila kag napukan.   Bisan pa magtukod sing kampo ang mga kasuldadusan batok sa akon, Indi ako mahadlok.+ Bisan pa salakayon nila ako, Magasalig gihapon ako sa iya.   Isa ka butang ang ginapangayo ko kay Jehova, —Amo ini ang ginahandum ko— Nga makapuyo ako sa balay ni Jehova sa bug-os ko nga kabuhi,+ Agod makita ko ang kaayo ni Jehova Kag agod pakamahalon ko* ang iya templo.*+   Kay taguon niya ako sa iya palasilungan sa adlaw sang kagamo;+ Taguon niya ako sa iya tolda, ang iya tago nga lugar;+ Itungtong niya ako sa ibabaw sang igang.+   Mangin mas mataas ako sangsa akon mga kaaway sa akon palibot; Magahalad ako sa iya tolda upod ang paghugyaw; Magaamba ako sing mga pagdayaw* kay Jehova.   O Jehova, pamatii ako kon magpanawag ako sa imo;+ Kaluy-i ako kag sabta ako.+   Sang ginsugo mo kami: “Pangitaa ninyo ako,” Ang akon tagipusuon nagsiling sa imo, O Jehova, pangitaon ko gid ikaw.+   Indi paglipdi ang imo nawong sa akon.+ Indi pagsikwaya sa kaakig ang imo alagad. Ikaw ang nagabulig sa akon;+ Indi ako pagsikwaya kag indi ako pagbayai, O Dios sang akon kaluwasan. 10  Bisan pa bayaan ako sang akon amay kag sang akon iloy,+ Si Jehova magasapupo sa akon.+ 11  Tudlui ako, O Jehova, sang imo dalanon,+ Kag tuytuyi ako sa matadlong nga banas agod maamligan ako sa akon mga kaaway. 12  Indi ako pag-itugyan sa akon mga kaaway,*+ Kay ginabutangbutangan nila ako sang indi matuod,+ Kag luyag nila ako halitan. 13  Ano ang matabo sa akon kon wala ako sing pagtuo Nga makita ko ang kaayo ni Jehova samtang nagakabuhi ako?*+ 14  Magsalig ka kay Jehova;+ Magpakaisog ka kag magpakabakod.+ Huo, magsalig ka kay Jehova.

Footnote

Ukon “tulukon ko nga may pagpamalandong.”
Ukon “santuaryo.”
Ukon “Magalanton ako.”
Ukon “sa kalag sang akon mga kaaway.”
Ukon mahimo, “May pagtuo gid ako nga makita ko ang kaayo ni Jehova sa duta sang mga buhi.”