Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 21:1-13

BALAYAN SANG KAUNDAN

  • Pagpakamaayo sa hari nga nagasalig kay Jehova

    • May malawig nga kabuhi (4)

    • Lutuson mga kaaway sang Dios (8-12)

Para sa pangulo sang musika. Salmo ni David. 21  O Jehova, bangod sang imo kusog nagakasadya ang hari;+ Nagakalipay gid sia sa imo pagluwas!+   Ginhatag mo ang handum sang iya tagipusuon,+ Kag wala mo gindingot ang iya pangabay. (Selah)   Kay ginpakamaayo mo sia sing bugana; Ginkoronahan mo sia sing puro nga bulawan.+   Nagpangayo sia sa imo sing kabuhi kag ginhatag mo ini sa iya,+ Ang malawig nga kabuhi,* ang kabuhi nga wala sing katubtuban.   Nahimaya gid sia bangod sang imo pagluwas.+ Ginhatagan mo sia sing kadungganan kag himaya.   Ginpakamaayo mo sia sing wala sing katapusan;+ Ginapahalipay mo sia tungod sang imo presensia.*+   Kay ang hari nagasalig kay Jehova;+ Bangod sa mainunungon nga gugma sang Labing Mataas, indi gid sia malingkang.*+   Dakpon sang imo mga kamot ang tanan mo nga kaaway; Dakpon sang imo tuo nga kamot ang mga nagadumot sa imo.   Himuon mo sila nga kaangay sang nagadabadaba nga hurno sa tion sang imo kaakig. Sa kaakig ni Jehova halunhunon niya sila, kag lamunon sila sang kalayo.+ 10  Laglagon mo ang ila mga kabataan* sa duta, Kag ang ila kaliwat sa mga anak sang mga tawo. 11  Kay nagplano sila nga himuan ka sing malain;+ Nagpahito sila sing mga butang nga indi magmadinalag-on.+ 12  Kay paatrason mo sila+ Paagi sa pagpuntariya sa ila* sang imo pana. 13  Tindog ka, O Jehova, sa imo kusog. Magaamba kami sing mga pagdayaw* sa imo gahom.

Footnote

Sa literal, “kalawigon sang mga adlaw.”
Sa literal, “nawong.”
Ukon “magdulingduling.”
Sa literal, “bunga.”
Sa literal, “ila nawong.”
Sa literal, “Magaamba kami kag magalanton.”