Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 20:1-9

BALAYAN SANG KAUNDAN

  • Kaluwasan para sa hinaplas nga hari

    • Iban nagasalig sa mga kabayo, “kami sa ngalan ni Jehova” (7)

Para sa pangulo sang musika. Salmo ni David. 20  Kabay nga sabton ka ni Jehova sa adlaw sang kalisdanan. Kabay nga amligan ka sang ngalan sang Dios ni Jacob.+   Kabay nga padalhan ka niya sing bulig halin sa balaan nga duog+ Kag sakdagon ka niya halin sa Sion.+   Kabay nga dumdumon niya ang tanan mo nga dulot; Kabay nga batunon niya* ang imo dulot nga sinunog. (Selah)   Kabay nga ihatag niya ang handum sang imo tagipusuon+ Kag hatagan sing kadalag-an ang tanan mo nga plano.*   Magahugyaw kami sa kalipay bangod sang pagluwas sa imo;+ Dayawon namon ang ngalan sang amon Dios.+ Kabay nga ihatag ni Jehova ang tanan mo nga pangabay.   Karon nahibaluan ko nga ginaluwas ni Jehova ang iya hinaplas.+ Ginasabat niya ang iya pangamuyo halin sa iya balaan nga langit Paagi sa gamhanan nga pagluwas* sang iya tuo nga kamot.+   Ang iban nagasalig sa mga kangga kag ang iban sa mga kabayo,+ Apang nagapanawag kami sa ngalan ni Jehova nga amon Dios.+   Nagakatumba sila kag nagakapukan, Apang kami nagabangon kag nagatindog sing tadlong.+   O Jehova, luwasa ang hari!+ Sabta kami sa tion nga magpangayo kami sing bulig.+

Footnote

Sa literal, “kabigon niya nga matambok.”
Ukon “laygay.”
Ukon “nga mga kadalag-an.”