Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 2:1-12

BALAYAN SANG KAUNDAN

  • Si Jehova kag ang iya hinaplas

    • Jehova, kadlawan mga pungsod (4)

    • Jehova, ginpapungko ang iya hari (6)

    • Padunggi ang anak (12)

2  Ngaa indi mapahamtang ang mga pungsod Kag ngaa nagakumod* ang mga tawo sa wala sing pulos nga butang?+   Nagtindog ang mga hari sang duta Kag ang mga manuggahom nagtingob*+ Batok kay Jehova kag batok sa iya hinaplas.*+   Nagsiling sila: “Bugrason naton ang ila gapos Kag ihaboy ang ila lubid!”   Ang Isa nga nagapungko sa trono sa langit magakadlaw; Si Jehova magayaguta sa ila.   Sa sina nga tion magahambal sia bangod sang iya kaakig Kag magakahadlok sila bangod sang iya tuman nga kaakig,   Nga nagasiling: “Ginpapungko ko ang akon hari+ Sa Sion,+ ang akon balaan nga bukid.”   Isugid ko ang ginsiling* ni Jehova; Nagsiling sia sa akon: “Ikaw ang akon anak;+ Karon nga adlaw, ako nangin imo amay.+   Pangayo ka, kag ihatag ko sa imo ang mga pungsod subong imo palanublion Kag ang bug-os nga duta nga imo pagapanag-iyahan.+   Buk-on mo sila sang setro nga salsalon,+ Kag dugmukon mo sila kaangay sang kolon.”+ 10  Gani, magmaalam kamo, mga hari; Magpatudlo kamo,* mga hukom sang duta. 11  Alagda ninyo si Jehova nga may kahadlok, Kag magkalipay kamo nga may pagkurog. 12  Padunggi* ninyo ang anak,+ agod ang Dios* indi maakig Kag indi kamo madula sa matarong nga dalanon,+ Kay ang Iya kaakig magasilabo sa gilayon. Malipayon ang tanan nga nagadangop sa Iya.

Footnote

Ukon “nagapamalandong.”
Ukon “nagsinapol.”
Ukon “Cristo.”
Sa literal, “mando.”
Ukon “Mag-andam kamo.”
Sa literal, “Haluki.”
Sa literal, “sia.”