Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 17:1-15

BALAYAN SANG KAUNDAN

  • Pangamuyo sang pangamlig

    • ‘Gin-usisa mo akon tagipusuon’ (3)

    • “Sa landong sang imo pakpak” (8)

Pangamuyo ni David. 17  O Jehova, pamatii ang akon pangabay para sa katarungan; Talupangda ang akon pagpangayo sing bulig; Pamatii ang akon tampad nga pangamuyo.+   Kabay nga hatagan mo ako sing hustisya;+ Kabay nga makita mo kon ano ang husto.   Gin-usisa mo ang akon tagipusuon, ginsayasat mo ako sa kagab-ihon;+ Ginputli mo ako;+ Makita mo nga wala ako magpahito sing malain. Kag wala maghambal sing malaut.   Kon tuhoy sa ginahimo sang mga tawo, Ginalikawan ko ang mga dalanon sang kawatan suno sa imo pulong.+   Kabay nga maglakat ako sa imo dalanon Agod indi ako masandad.+   O Dios ko, nagapanawag ako sa imo kay nahibaluan ko nga sabton mo ako.+ Dungga ako.* Pamatii ang akon pangamuyo.+   Ipakita ang imo mainunungon nga gugma sa makatilingala nga paagi,+ O Manluluwas sang mga nagadangop sa imo tuo nga kamot Bangod sa mga nagarebelde sa imo.   Amligi ako kaangay sang tawotawo sang imo mata;+ Tagua ako sa landong sang imo mga pakpak.+   Amligi ako sa malauton nga nagsalakay sa akon, Sa akon mortal nga mga kaaway* nga nagapalibot sa akon.+ 10  Ginpatig-a nila ang ila tagipusuon;* Nagapahambog sila; 11  Ginalibutan nila kami;+ Nagapangita sila sing kahigayunan agod pukanon kami.* 12  Ang malauton kaangay sang leon nga luyag na gid maggus-ab sa iya tulukbon, Kaangay sia sang bataon nga leon nga nagapalipod kag handa sa pagsalakay. 13  Tindog ka, O Jehova, agod atubangon+ kag lutuson sia; Luwasa ako* sa malauton paagi sa imo espada; 14  O Jehova, luwasa ako paagi sa imo gahom, Sa mga tawo sini nga kalibutan,* nga nagahimud-os para lamang sa ila kaugalingon,+ Nga ginabusog mo sang imo maayo nga mga butang+ Nga nagatigana sang palanublion sa ila mga anak. 15  Apang ako, makakita ako sa imo kay matarong ako; Malipay ako nga makita ka sa pagbugtaw ko.+

Footnote

Ukon “Magduko ka kag magpamati.”
Ukon “Sa mga kaaway sang akon kalag.”
Ukon “Naputos sila sang ila kaugalingon nga tambok.”
Ukon “ihaboy kami sa duta.”
Ukon “ang akon kalag.”
Ukon “nga sistema sang mga butang.”