Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 149:1-9

BALAYAN SANG KAUNDAN

  • Ambahanon sa kadalag-an sang Dios

    • Dios, nahamuot sa iya katawhan (4)

    • Dungog iya sang mainunungon (9)

149  Dayawa ninyo si Jah!* Mag-amba kamo kay Jehova sing bag-o nga ambahanon;+ Dayawa ninyo sia sa kongregasyon sang mga mainunungon.+   Magkasadya ang Israel sa iya Daku nga Manunuga+ Magkalipay ang mga anak sang Sion sa ila Hari.   Magdayaw sila sa iya ngalan nga may sinaot+ Kag mag-amba sila sing mga pagdayaw* sa iya nga ginatukaran sang tamburin kag arpa.+   Kay si Jehova nahamuot sa iya katawhan,+ Ginapatahom niya ang mga mahagop paagi sa pagluwas sa ila.+   Maghugyaw ang mga mainunungon bangod sang ila himaya; Magsinggit sila sa kalipay sa ila mga hiligdaan.+   Mag-amba sila sing pagdayaw sa Dios, Kag mag-uyat sila sing espada nga duha sing sulab,   Agod timalusan ang mga pungsod Kag silutan ang mga katawhan,   Agod kadenahan ang ila mga hari Kag gapuson sa talikala ang ila mga dungganon,   Kag ipadapat ang paghukom nga nasulat batok sa ila.+ Ini nga kadungganan iya sang tanan nga mainunungon sa iya. Dayawa ninyo si Jah!*

Footnote

Ukon “Hallelujah!” Ang “Jah” amo ang ginpalip-ot nga ngalan ni Jehova.
Ukon “maglanton.”
Ukon “Hallelujah!” Ang “Jah” amo ang ginpalip-ot nga ngalan ni Jehova.