Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 146:1-10

BALAYAN SANG KAUNDAN

  • Magsalig sa Dios, indi sa mga tawo

    • Hunahuna madula kon mapatay (4)

    • Ginapabakod ang maluya (8)

146  Dayawa ninyo si Jah!*+ Dayawon ko* si Jehova.+   Dayawon ko si Jehova sa bug-os ko nga kabuhi. Magaamba ako sing mga pagdayaw* sa akon Dios samtang nagakabuhi ako.   Indi kamo magsalig sa mga prinsipe* Ukon sa anak sang tawo, nga indi makaluwas.+   Ang iya espiritu* nagagua, nagabalik sia sa duta;+ Sa sina mismo nga adlaw ang iya panghunahuna madula.+   Malipayon ang tawo nga ang iya manugbulig amo ang Dios ni Jacob,+ Nga ang iya paglaum yara kay Jehova nga iya Dios,+   Ang Isa nga naghimo sang langit kag duta, Sang dagat, kag sang tanan nga yara sa sini,+ Ang Isa nga pirme matutom,+   Ang Isa nga nagahatag sing hustisya sa mga gindayaan, Ang Isa nga nagahatag sing pagkaon sa mga gutom.+ Ginahilway ni Jehova ang mga bilanggo.*+   Ginapamuklat ni Jehova ang mga mata sang bulag;+ Ginapabakod ni Jehova ang maluya;+ Ginahigugma ni Jehova ang matarong.   Ginaamligan ni Jehova ang dumuluong nga mga pumuluyo; Ginabuligan niya ang wala sing amay nga bata kag ang balo nga babayi,+ Apang ginapaslaw niya ang mga plano sang malauton.*+ 10  Si Jehova mangin Hari sa wala sing katubtuban,+ O Sion, ang imo Dios magahari sa tanan nga kaliwatan. Dayawa ninyo si Jah!*

Footnote

Ukon “Hallelujah!” Ang “Jah” amo ang ginpalip-ot nga ngalan ni Jehova.
Ukon “sang akon kalag.”
Ukon “Magalanton ako.”
Ukon “dungganon.”
Ukon “ginhawa.”
Sa literal, “nagapos.”
Ukon “ginapatiko niya ang dalanon sang malauton.”
Ukon “Hallelujah!” Ang “Jah” amo ang ginpalip-ot nga ngalan ni Jehova.