Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 145:1-21

BALAYAN SANG KAUNDAN

  • Dios dayawon, gamhanan nga Hari

    • ‘Ipahayag ko kagamhanan mo’ (6)

    • “Si Jehova maayo sa tanan” (9)

    • ‘Dayawon sang mainunungon’ (10)

    • Ang Dios hari sa wala katapusan (13)

    • Ihatag sang Dios ang tanan nga handum (16)

Ambahanon sa pagdayaw ni David. א [Aleph] 145  Dayawon ko ikaw, O Dios ko nga akon Hari,+ Dayawon ko ang imo ngalan sa wala sing katubtuban.+ ב[Beth]   Adlaw-adlaw dayawon ko ikaw;+ Dayawon ko ang imo ngalan sa wala sing katubtuban.+ ג [Gimel]   Si Jehova gamhanan kag takus gid dayawon;+ Indi matungkad* ang iya pagkagamhanan.+ ד [Daleth]   Ang tanan nga kaliwatan magadayaw sang imo mga binuhatan; Isugid nila ang imo gamhanan nga mga buhat.+ ה [He]   Isugid nila ang imo makatilingala nga mga binuhatan+ Kag pamalandungan ko ang imo pagkamahimayaon kag pagkadungganon. ו [Waw]   Magahambal sila tuhoy sa imo makahalawhaw nga mga binuhatan,* Kag ipahayag ko ang imo pagkagamhanan. ז [Zayin]   Malipayon sila nga magasugid samtang ginadumdom nila ang imo daku nga kaayo,+ Kag magahugyaw sila sa kalipay bangod sa imo pagkamatarong.+ ח [Heth]   Si Jehova mainawaon* kag maluluy-on,+ Indi dali maakig kag may daku nga mainunungon nga gugma.+ ט [Teth]   Si Jehova maayo sa tanan,+ Kag ang iya kaluoy makita sa tanan niya nga ginahimo. י [Yod] 10  Ang tanan mo nga binuhatan magahimaya sa imo, O Jehova,+ Kag dayawon ka sang mga mainunungon sa imo.+ כ [Kaph] 11  Ipahayag nila ang himaya sang imo pagkahari+ Kag magahambal sila tuhoy sa imo pagkagamhanan,+ ל [Lamed] 12  Agod ipahibalo sa mga tawo ang imo gamhanan nga mga buhat+ Kag ang himaya sang imo pagkahari.+ מ [Mem] 13  Ang imo pagkahari wala sing katapusan, Kag ang imo paggahom magapadayon sa tanan nga kaliwatan.+ ס [Samekh] 14  Ginapabangon ni Jehova ang tanan nga nagakatumba,+ Kag ginapabakod niya ang tanan nga maluya.+ ע [Ayin] 15  Ang tanan nga tinuga nagalaum sa imo; Ginahatagan mo sila sing pagkaon sa nagakaigo nga panahon.+ פ [Pe] 16  Ginahumlad mo ang imo kamot Kag ginahatag ang handum sang tagsa ka buhi nga butang.+ צ [Tsade] 17  Si Jehova matarong sa tanan niya nga ginahimo+ Kag mainunungon sa tanan niya nga binuhatan.+ ק [Qoph] 18  Si Jehova malapit sa tanan nga nagapanawag sa iya,+ Sa tanan nga nagapanawag sa iya sa kamatuoran.*+ ר [Resh] 19  Ginahatag niya ang handum sang mga nagakahadlok sa iya;+ Ginapamatian niya ang ila pagpangayo sing bulig kag ginaluwas niya sila.+ ש [Shin] 20  Ginaamligan ni Jehova ang tanan nga nagahigugma sa iya,+ Apang laglagon niya ang tanan nga malauton.+ ת [Taw] 21  Dayawon ko si Jehova;+ Dayawon sang tanan nga nagakabuhi ang iya balaan nga ngalan sa wala sing katubtuban.+

Footnote

Ukon “Labaw sa masarangan hangpon.”
Ukon “nga gahom.”
Ukon “mainayuhon.”
Ukon “pagkasinsero.”