Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 144:1-15

BALAYAN SANG KAUNDAN

  • Pangamuyo para sa kadalag-an

    • “Ano bala ang tawo?” (3)

    • ‘Paalaplaaga ang mga kaaway’ (6)

    • Katawhan ni Jehova malipayon (15)

Salmo ni David. 144  Kabay nga dayawon si Jehova nga akon Igang,+ Nga nagahanas sang akon mga kamot para sa inaway, Sang akon mga tudlo sa pagpakig-away.+   Sia ang nagpakita sa akon sang mainunungon nga gugma kag sia ang akon kuta, Sia ang akon malig-on nga dalangpan* kag ang akon manluluwas, Sia ang akon taming kag ang Isa nga akon palalipdan,+ Ang Isa nga nagapasakop sang mga katawhan sa akon.+   O Jehova, ano bala ang tawo nga ginatalupangod mo sia, Ang anak sang mamalatyon nga tawo nga ginasapak mo sia?+   Ang tawo daw hangin* lamang;+ Ang iya mga adlaw kaangay sang landong nga umalagi lamang.+   O Jehova, panubua* ang imo kalangitan kag panaug ka;+ Tanduga ang kabukiran kag paasuha ini.+   Pakiraba ang kilat kag paalaplaaga ang kaaway;+ Ipana ang imo mga baslay kag pasalasalaha sila.+   Untaya ang imo mga kamot halin sa langit; Sagupa ako kag luwasa ako sa mabaskog nga tubig, Sa kamot* sang mga dumuluong,+   Nga nagahambal sing kabutigan Kag nagabayaw sang ila tuo nga kamot sa pagpanumpa sing indi matuod.*   O Dios ko, magaamba ako sa imo sing bag-o nga ambahanon.+ Magaamba ako sing mga pagdayaw* sa imo upod sa instrumento nga may napulo ka kuerdas, 10  Sa Isa nga nagahatag sing kadalag-an* sa mga hari,+ Ang Isa nga nagaluwas sa iya alagad nga si David sa espada.+ 11  Sagupa ako kag luwasa ako sa kamot sang mga dumuluong, Nga nagahambal sing kabutigan Kag nagabayaw sang ila tuo nga kamot sa pagpanumpa sing indi matuod. 12  Ang amon mga anak nga lalaki mangin kaangay sang mga tanom nga madasig magtubo, Ang amon mga anak nga babayi kaangay sang tinigib nga mga haligi sa pamusod sang palasyo. 13  Ang amon mga bodega mapuno sing lainlain nga patubas; Ang amon mga panong sa amon mga latagon magadamo sing linibo, sing tignapulo ka libo. 14  Wala sing mahulugan* sa amon mga baka nga nagabusong; Wala sing magahibi sa kalisod sa amon mga dalan. 15  Malipayon ang katawhan nga subong sina! Apang mas malipayon ang katawhan nga ang ila Dios amo si Jehova!+

Footnote

Ukon “malig-on nga kahitaasan.”
Ukon “ginhawa.”
Ukon “padukua.”
Ukon “hugot nga pag-uyat.”
Sa literal, “Kag ang ila tuo nga kamot tuo nga kamot sang kabutigan.”
Ukon “Magalanton ako.”
Ukon “kaluwasan.”
Ukon “mahar-asan.”