Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 143:1-12

BALAYAN SANG KAUNDAN

  • Ginauhaw sa Dios kaangay sang kigas nga duta

    • “Ginapamalandungan ko ang tanan mo nga binuhatan” (5)

    • ‘Tudlui ako sang kabubut-on mo’ (10)

    • ‘Kabay nga tuytuyan mo ako’ (10)

Salmo ni David. 143  O Jehova, pamatii ang akon pangamuyo;+ Pamatii ang akon pagpangayo sing bulig. Sabta ako suno sa imo katutom kag pagkamatarong.   Indi pagdalha sa hukmanan ang imo alagad, Kay wala sing tawo nga mangin matarong sa imo atubangan.+   Kay ginalagas ako* sang akon kaaway; Gindugmok niya ang akon kabuhi sa duta. Ginpaistar niya ako sa kadulom kaangay sang mga madugay na napatay.   Nagluya ang akon espiritu;*+ Nagpalaminhod ang akon tagipusuon.+   Ginadumdom ko ang mga adlaw sadto anay; Ginapamalandungan ko ang tanan mo nga binuhatan;+ Ginabinagbinag* ko gid ang imo mga hinimuan.   Ginabayaw ko ang akon mga kamot sa akon pagpangamuyo sa imo; Ginauhaw ako* sa imo kaangay sang duta nga kigas.+ (Selah)   Sabta ako gilayon, O Jehova;+ Nadulaan ako sang kusog.*+ Indi paglipdi ang imo nawong sa akon,+ Basi mangin kaangay ako sang mga nagapanaug sa buho.*+   Sa aga ipabati sa akon ang imo mainunungon nga gugma, Kay nagasalig ako sa imo. Ipakita sa akon ang banas nga dapat ko laktan,+ Kay hanuot ako nga nagapangamuyo sa imo.*   O Jehova, luwasa ako sa akon mga kaaway. Nagadangop ako sa imo.+ 10  Tudlui ako sa paghimo sang imo kabubut-on,+ Kay ikaw ang akon Dios. Ang imo espiritu maayo; Kabay nga tuytuyan ako sini sa matapan nga duta.* 11  O Jehova, tungod sa imo ngalan, amligi ang akon kabuhi. Suno sa imo pagkamatarong, luwasa ako* sa kalisdanan.+ 12  Sa imo mainunungon nga gugma, tapusa* ang akon mga kaaway;+ Laglaga ang tanan nga nagasalakay sa akon,*+ Kay alagad mo ako.+

Footnote

Ukon “ang akon kalag.”
Ukon “kusog.”
Ukon “Ginatun-an.”
Ukon “ang akon kalag.”
Sa literal, “espiritu.”
Ukon “lulubngan.”
Ukon “Kay ginabayaw ko sa imo ang akon kalag.”
Ukon “sa duta sang pagkamatarong.”
Ukon “ang akon kalag.”
Sa literal, “pahipusa.”
Ukon “akon kalag.”