Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 142:1-7

BALAYAN SANG KAUNDAN

  • Pangamuyo nga luwason sa mga manughingabot

    • “Wala na ako sing mapalagyuhan” (4)

    • “Ikaw lamang ang akon bahin” (5)

Maskil.* Salmo ni David, sang didto sia sa kueba.+ Isa ka pangamuyo. 142  Nagpangayo ako sing bulig kay Jehova;+ Nagpakiluoy ako kay Jehova.   Ginpautwas ko sa iya ang akon kabalaka; Ginsugid ko sa iya ang akon kalisdanan+   Sang nagluya ang akon espiritu.* Dayon ginbantayan mo ang akon dalanon.+ Sa banas nga akon ginaagyan, Nagbutang sila sing siod para sa akon.   Magtulok ka sa akon tuo kag tan-awa Nga wala gid sing nagaulikid* sa akon.+ Wala na ako sing mapalagyuhan;+ Wala gid sing nagakabalaka sa akon.*   O Jehova, nagapangayo ako sa imo sing bulig. Nagasiling ako: “Ikaw ang akon dalangpan,+ Ikaw lamang ang akon bahin samtang nagakabuhi ako.”   Pamatii ang akon pagpangayo sing bulig, Kay maluya na gid ako. Luwasa ako sa mga nagahingabot sa akon,+ Kay mas makusog sila sangsa akon.   Paguaa ako* sa bilangguan Agod madayaw ko ang imo ngalan. Kabay nga magtipon sa palibot ko ang mga matarong Tungod maayo ka sa akon.

Footnote

Tan-awa ang Glossary.
Ukon “kusog.”
Sa literal, “nakakilala.”
Ukon “akon kalag.”
Ukon “ang akon kalag.”