Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 141:1-10

BALAYAN SANG KAUNDAN

  • Pangamuyo para sa pangamlig

    • ‘Pangamuyo nga daw incienso’ (2)

    •  Pagsabdong sang matarong (5)

    • Malauton masiod sa iya lambat (10)

Salmo ni David. 141  O Jehova, nagapanawag ako sa imo.+ Buligi ako gilayon.+ Pamatii ako kon magpanawag ako sa imo.+   Kabay nga ang akon pangamuyo mangin subong sang incienso+ nga nahanda sa atubangan mo,+ Kag ang akon nabayaw nga mga kamot kaangay sang dulot nga uyas sa kagab-ihon.+   O Jehova, buligi ako nga bantayan ang akon baba, Buligi ako nga bantayan ang akon mga bibig.+   Ilikaw ang akon tagipusuon sa paghimo sing malain,+ Agod indi ako makahimo sing malaut upod sa mga malauton; Kabay nga indi ako magkaon sang ila manamit nga mga pagkaon.   Kon sakiton ako sang matarong, buhat ini sang mainunungon nga gugma;+ Kon sabdungon niya ako, mangin kaangay ini sang lana sa akon ulo,+ Nga indi ko pagpangindi-an.+ Ipangamuyo ko gihapon sila bisan sa tion sang ila mga kapipit-an.   Bisan ang ila mga hukom ginahulog sa pil-as, Ang mga tawo magapamati sa akon ginahambal, kay ini maayo.   Subong sang binis-ak nga mga kahoy nga nagalapta sa duta, Ang amon mga tul-an nagalapta sa baba sang Lulubngan.*   Apang nagasalig ako sa imo, O Soberanong Ginuong Jehova.+ Nagadangop ako sa imo. Indi pagkuhaa ang akon kabuhi.*   Amligi ako sa siod nga ila ginbutang para sa akon, Sa mga siod sang mga malauton. 10  Ang tanan nga malauton masiod sa ila kaugalingon nga mga lambat+ Apang malikawan ko ini.

Footnote

Ukon “Sheol,” nga amo ang kabilugan nga lulubngan sang katawhan. Tan-awa ang Glossary.
Ukon “pag-ibubo ang akon kalag.”