Magdiretso sa kaundan

Magdiretso sa listahan sang kaundan

Salmo 140:1-13

BALAYAN SANG KAUNDAN

  • Si Jehova, gamhanan nga Manluluwas

    • Malauton kaangay sa man-ug (3)

    • Mga masingki pamatyon (11)

Para sa pangulo sang musika. Salmo ni David. 140  O Jehova, luwasa ako sa malaut nga mga tawo;Amligi ako sa mapintas nga mga tawo,+   Sa mga tawo nga nagapahito sing kalainan sa ila tagipusuon+Kag nagatuga sang gamo sa bug-os nga adlaw.   Matalom ang ila dila kaangay sang dila sang man-ug;+Ang dalit sang man-ug yara sa likod sang ila mga bibig.+ (Selah)   O Jehova, bantayi ako sa malaut nga mga tawo;+Amligi ako sa mapintas nga mga tawo,Sa mga tawo nga nagapahito agod masandad ako.   Ang mga matinaastaason nagbutang sing siod para sa akon;Naghumlad sila sing mga lambat nga lubid sa akon alagyan.+ Nagbutang sila sing mga tiglapak para sa akon.+ (Selah)   Nagsiling ako kay Jehova: “Ikaw ang akon Dios. O Jehova, pamatii ang akon pagpangayo sing bulig.”+   O Jehova nga Soberanong Ginuo, ang akon gamhanan nga Manluluwas,Gin-amligan mo ang akon ulo sa adlaw sang inaway.+   O Jehova, indi pag-ihatag ang mga handum sang malauton. Indi pagtuguti nga magmadinalag-on ang ila buko, agod indi sila magpabugal.+ (Selah)   Kabay nga ang malain nga ginahambal sang mga tawo nga nagapalibot sa akon,Matabo mismo sa ila.+ 10  Kabay nga maulanan sila sang nagadabdab nga mga baga.+ Kabay nga ihulog sila sa kalayo,Sa madalom nga mga buho,*+ nga indi na gid sila makagua. 11  Kabay nga ang mapasipalahon madulaan sing lugar sa duta.+ Kabay nga lagson sang kalautan ang masingki nga mga tawo kag pamatyon sila. 12  Nahibaluan ko nga pangapinan ni Jehova ang mga kubosKag hatagan sing katarungan ang mga imol.+ 13  Pat-od gid nga pasalamatan sang matarong ang imo ngalan;Ang matarong magaistar sa atubangan sang imo nawong.*+

Footnote

Ukon “Sa mga buho nga may tubig.”
Ukon “presensia.”