Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 136:1-26

BALAYAN SANG KAUNDAN

  • Mainunungon nga gugma ni Jehova

    • Langit kag duta ginhimo sing maayo (5, 6)

    • Paraon napatay sa dagat (15)

    • Dios ginadumdom ang nasubuan (23)

    • Pagkaon para sa tanan (25)

136  Magpasalamat kamo kay Jehova, kay maayo sia;+ Ang iya mainunungon nga gugma wala sing katapusan.+   Magpasalamat kamo sa Dios sang mga dios,+ Kay ang iya mainunungon nga gugma wala sing katapusan.   Magpasalamat kamo sa Ginuo sang mga ginuo, Kay ang iya mainunungon nga gugma wala sing katapusan.   Sia lamang ang nagahimo sang makatilingala nga mga butang,+ Kay ang iya mainunungon nga gugma wala sing katapusan.+   Paagi sa iya kaalam, ginhimo niya ang kalangitan,+ Kay ang iya mainunungon nga gugma wala sing katapusan.   Ginpahamtang niya ang duta sa ibabaw sang tubig,+ Kay ang iya mainunungon nga gugma wala sing katapusan.   Ginhimo niya ang dalagku nga mga kapawa,+ Kay ang iya mainunungon nga gugma wala sing katapusan,   Ang adlaw agod maghatag sing kasanag kon adlaw,+ Kay ang iya mainunungon nga gugma wala sing katapusan,   Ang bulan kag ang mga bituon agod maghatag sing kasanag kon gab-i,+ Kay ang iya mainunungon nga gugma wala sing katapusan. 10  Ginpatay niya ang mga panganay sang Egipto,+ Kay ang iya mainunungon nga gugma wala sing katapusan. 11  Ginpagua niya ang mga Israelinhon sa Egipto,+ Kay ang iya mainunungon nga gugma wala sing katapusan, 12  Paagi sa makusog nga kamot+ kag sa inuntay nga butkon, Kay ang iya mainunungon nga gugma wala sing katapusan. 13  Ginpihak niya ang Pula nga Dagat,+ Kay ang iya mainunungon nga gugma wala sing katapusan. 14  Ginpatabok niya ang mga Israelinhon sa tunga sini,+ Kay ang iya mainunungon nga gugma wala sing katapusan. 15  Ginlumos niya ang Paraon kag ang iya mga kasuldadusan sa Pula nga Dagat,+ Kay ang iya mainunungon nga gugma wala sing katapusan. 16  Gintuytuyan niya ang iya katawhan sa kamingawan,+ Kay ang iya mainunungon nga gugma wala sing katapusan. 17  Ginlaglag niya ang bantog nga mga hari,+ Kay ang iya mainunungon nga gugma wala sing katapusan. 18  Ginpatay niya ang gamhanan nga mga hari, Kay ang iya mainunungon nga gugma wala sing katapusan, 19  Ginpatay niya si Sihon+ nga hari sang mga Amornon, Kay ang iya mainunungon nga gugma wala sing katapusan, 20  Ginpatay niya si Og+ nga hari sang Basan, Kay ang iya mainunungon nga gugma wala sing katapusan. 21  Ginhatag niya ang ila duta subong palanublion,+ Kay ang iya mainunungon nga gugma wala sing katapusan, 22  Isa ka palanublion sang Israel nga iya alagad, Kay ang iya mainunungon nga gugma wala sing katapusan. 23  Gindumdom niya kita sang indi maayo ang aton kahimtangan,+ Kay ang iya mainunungon nga gugma wala sing katapusan.+ 24  Pirme niya kita ginaluwas sa aton mga kaaway,+ Kay ang iya mainunungon nga gugma wala sing katapusan. 25  Ginahatagan niya sing pagkaon ang tanan niya nga tinuga,*+ Kay ang iya mainunungon nga gugma wala sing katapusan. 26  Magpasalamat kamo sa Dios sang langit, Kay ang iya mainunungon nga gugma wala sing katapusan.

Footnote

Sa literal, “ang tanan nga unod.”