Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 132:1-18

BALAYAN SANG KAUNDAN

  • Ginpili si David kag ang Sion

    • ‘Indi pagsikwaya imo hinaplas’ (10)

    • Saserdote sang Sion luwason (16)

Ambahanon sang mga Nagataklad. 132  O Jehova, indi pagkalimti si David Kag ang tanan niya nga pag-antos;+   Nanumpa sia kay Jehova, Nanaad sia sa Gamhanan nga Dios ni Jacob:+   “Indi ako magsulod sa akon balay.+ Indi ako maghigda sa akon hiligdaan;   Indi ko pagtugutan nga magtulog ang akon mga mata, Ukon magtulog ang akon mga ilalakub   Tubtob nga makakita ako sing balay para kay Jehova, Isa ka matahom nga puluy-an* para sa Gamhanan nga Dios ni Jacob.”+   Nabatian namon ini sa Efrata;+ Nakita namon ini sa kakahuyan.+   Makadto kita sa iya puluy-an;*+ Magyaub kita sa palatungan sang iya tiil.+   Tindog ka, O Jehova, sa pagkadto sa imo lugar nga palahuwayan,+ Ikaw kag ang Kaban sang imo kusog.+   Kabay nga ang imo mga saserdote mapanaptan sing pagkamatarong, Kag kabay nga magsinggit sa kalipay ang mga mainunungon sa imo. 10  Tungod kay David nga imo alagad, Indi pagsikwaya ang* imo hinaplas.+ 11  Si Jehova nanumpa kay David; Kag tumanon gid niya ini: “Papungkuon ko sa imo trono, Ang isa sa imo kaliwat.*+ 12  Kon tumanon sang imo mga anak ang akon katipan Kag ang akon mga pahanumdom nga itudlo ko sa ila,+ Ang ila man mga anak Magapungko sa imo trono sa wala sing katubtuban.”+ 13  Kay ginpili ni Jehova ang Sion;+ Ginhandum niya ini subong iya puluy-an:+ 14  “Ini ang akon puluy-an sa wala sing katubtuban; Diri ako magapuyo,+ kay ginahandum ko ini. 15  Pakamaayuhon ko ini sing bugana nga aman; Busgon ko sing tinapay ang iya mga imol.+ 16  Luwason ko ang iya mga saserdote,*+ Kag magasinggit sa kalipay ang mga mainunungon sa iya.+ 17  Didto pabaskugon ko ang kusog* ni David. Naghanda ako sang suga para sa akon hinaplas.+ 18  Pakahuy-an ko ang iya mga kaaway, Apang ang korona* sa iya ulo magauswag.”+

Footnote

Ukon “Isa ka daku nga tabernakulo.”
Ukon “daku nga tabernakulo.”
Sa literal, “pag-italikod ang nawong sang.”
Sa literal, “sa bunga sang imo taguangkan.”
Ukon “Kag panaptan ko sing kaluwasan ang iya mga saserdote.”
Sa literal, “sungay.”
Ukon “diadema.”