Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 12:1-8

BALAYAN SANG KAUNDAN

  • Si Jehova magatindog agod manghikot

    • Pulong sang Dios putli (6)

Para sa pangulo sang musika; sa tono sang Seminit.* Salmo ni David. 12  Luwasa ako, O Jehova, kay wala na sing nabilin nga mainunungon; Ang mga matutom nagakapapas.   Nagabinutig sila sa isa kag isa; Nagapang-into sila* kag nagahambal paagi sa indi tampad nga tagipusuon.*+   Utdon ni Jehova ang tanan nga nagapang-into nga dila, Pahipuson niya ang nagapahambog nga baba,+   Ang mga nagasiling: “Magadaug kami paagi sa amon dila. Ihambal namon ang luyag namon ihambal; Sin-o ang magadikta sa amon?”+   “Bangod sang pagpamigos sa mga nalisdan, Bangod sang pagpanghayhay sang mga imol,+ Magatindog ako agod magpanghikot,” siling ni Jehova. “Luwason ko sila sa mga nagatamay* sa ila.”   Ang mga pulong ni Jehova putli;+ Kaangay ini sang pilak nga ginpaputli sing makapito sa hurnuhan nga daga.*   Ikaw mismo ang magabantay sa ila, O Jehova;+ Amligan mo ang tagsatagsa sa ila halin sa sini nga kaliwatan tubtob sa wala sing katubtuban.   Ang mga malauton makita bisan diin Bangod ang kalautan ginapasanyog sang mga tawo.+

Footnote

Tan-awa ang Glossary.
Sa literal, “Nagahambal sila paagi sa madanlog nga dila.”
Sa literal, “paagi sa tagipusuon kag tagipusuon.”
Ukon “nagapahambog.”
Ukon mahimo, “sa tulunawan nga hurnuhan sa duta.”