Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 118:1-29

BALAYAN SANG KAUNDAN

  • Pasalamat sa kadalag-an ni Jehova

    • ‘Nanawag ako, nagsabat si Jah’ (5)

    • “Si Jehova yara sa akon tupad” (6, 7)

    • Ginsikway nga bato nangin ang pinakaimportante (22)

    • “Nagakari sa ngalan ni Jehova” (26)

118  Magpasalamat kamo kay Jehova, kay maayo sia;+ Ang iya mainunungon nga gugma wala sing katapusan.   Magsiling ang Israel: “Ang iya mainunungon nga gugma wala sing katapusan.”   Magsiling ang panimalay ni Aaron: “Ang iya mainunungon nga gugma wala sing katapusan.”   Magsiling ang mga nagakahadlok kay Jehova: “Ang iya mainunungon nga gugma wala sing katapusan.”   Sa akon kalisdanan nagpanawag ako kay Jah;* Nagsabat si Jah kag gindala niya ako sa lugar nga wala sing katalagman.*+   Si Jehova yara sa akon tupad; indi ako mahadlok.+ Ano ang mahimo sang tawo sa akon?+   Si Jehova yara sa akon tupad subong akon manugbulig;*+ Tulukon ko nga may kadalag-an ang mga nagadumot sa akon.+   Mas maayo ang magdangop kay Jehova Sangsa magsalig sa mga tawo.+   Mas maayo ang magdangop kay Jehova Sangsa magsalig sa mga prinsipe.+ 10  Ginlibutan ako sang tanan nga pungsod, Apang sa ngalan ni Jehova, Gintabog ko sila.+ 11  Ginlibutan nila ako, huo, ginlibutan nila ako sing bug-os, Apang sa ngalan ni Jehova, Gintabog ko sila. 12  Ginlikupan nila ako kaangay sang mga putyukan, Apang ginpalong sila gilayon kaangay sang kalayo sa tunukon nga mga tanom. Sa ngalan ni Jehova, Gintabog ko sila.+ 13  Gintiklod nila ako sing mabaskog* agod matumba ako, Apang ginbuligan ako ni Jehova. 14  Si Jah ang akon palasilungan kag ang akon kusog, Kag sia ang akon manluluwas.+ 15  Ang paghugyaw sa kalipay kag kaluwasan* Nabatian sa mga tolda sang matarong. Ang tuo nga kamot ni Jehova nagahimo sing gamhanan nga mga butang.+ 16  Ang tuo nga kamot ni Jehova ginabayaw; Ang tuo nga kamot ni Jehova nagahimo sing gamhanan nga mga butang.+ 17  Indi ako mapatay, kundi magakabuhi ako, Agod ipahayag ang mga binuhatan ni Jah.+ 18  Gindisiplina gid ako ni Jah,+ Apang wala niya ako gintugyan sa kamatayon.+ 19  Buksi ninyo para sa akon ang mga gawang sang pagkamatarong;+ Magasulod ako sa sini kag dayawon ko si Jah. 20  Amo ini ang gawang ni Jehova. Magasulod sa sini ang matarong.+ 21  Dayawon ko ikaw, kay ginsabat mo ako+ Kag ikaw ang akon manluluwas. 22  Ang bato nga ginsikway sang mga manunukod Nangin ang pinakaimportante nga pamusod nga bato.*+ 23  Ginhimo ini ni Jehova;+ Makatilingala ini sa aton mga mata.+ 24  Amo ini ang adlaw nga ginhimo ni Jehova; Magakalipay kita kag magakasadya sa sini. 25  Jehova, nagapakiluoy kami, palihug luwasa kami! Jehova, palihug ihatag sa amon ang kadalag-an! 26  Pakamaayuhon ang isa nga nagakari sa ngalan ni Jehova;+ Halin sa balay ni Jehova ginapakamaayo ka namon. 27  Si Jehova ang Dios; Nagahatag sia sa aton sing kapawa.+ Makigbahin sa parada sang kapiestahan nga may mga paklang sang palma,+ Tubtob sa mga sungay sang halaran.+ 28  Ikaw ang akon Dios, kag dayawon ko ikaw; Akon Dios, pakataason ko ikaw.+ 29  Magpasalamat kamo kay Jehova,+ kay maayo sia; Ang iya mainunungon nga gugma wala sing katapusan.+

Footnote

Ang “Jah” amo ang ginpalip-ot nga ngalan ni Jehova.
Ukon “sa masangkad nga lugar.”
Ukon mahimo, “upod sa mga nagabulig sa akon.”
Ukon mahimo, “Gintiklod mo ako sing mabaskog.”
Ukon “kadalag-an.”
Sa literal, “ang ulo sang pamusod.”