Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 116:1-19

BALAYAN SANG KAUNDAN

  • Ambahanon sang pagpasalamat

    • ‘Ano ang ibalos ko kay Jehova?’ (12)

    • ‘Imnon kopa sang kaluwasan’ (13)

    • ‘Tumanon ko akon panaad’ (14, 18)

    •  Malahalon ang kamatayon sang mga mainunungon (15)

116  Ginahigugma ko si Jehova Bangod ginapamatian niya* ang akon tingog, ang akon pagpangayo sing bulig.+   Nagapamati sia* sa akon,+ Kag sa iya ako magapanawag samtang nagakabuhi ako.*   Ang mga lubid sang kamatayon nagburambod sa akon; Ang Lulubngan nag-uyat sing hugot sa akon.*+ Napuno ako sang kalisdanan kag kasubo.+   Apang nagpanawag ako sa ngalan ni Jehova:+ “O Jehova, luwasa ako!”*   Si Jehova mainawaon* kag matarong;+ Ang aton Dios maluluy-on.+   Ginaamligan ni Jehova ang kulang sing kinaalam.+ Ginpaubos ako, kag ginluwas niya ako.   Papahuwaya liwat ang akon kalag,* Kay si Jehova maayo gid sa akon.   Ginluwas mo ako* sa kamatayon, Ang akon mata sa luha, ang akon tiil sa pagkasandad.+   Magalakat ako sa atubangan ni Jehova sa duta sang mga buhi. 10  May pagtuo ako, gani naghambal ako;+ Ginpaantos ako sing tuman. 11  Sang nagsalasala ako, nagsiling ako: “Ang tanan nga tawo butigon.”+ 12  Ano bala ang ibalos ko kay Jehova Sa tanan nga kaayo nga ginhimo niya sa akon? 13  Magainom ako sa kopa sang kaluwasan,* Kag magapanawag ako sa ngalan ni Jehova. 14  Tumanon ko ang akon mga panaad kay Jehova Sa atubangan sang tanan niya nga katawhan.+ 15  Malahalon* sa mga mata ni Jehova Ang kamatayon sang mga mainunungon sa iya.+ 16  Nagapakiluoy ako sa imo, O Jehova, Kay ako imo alagad. Ako imo alagad, nga anak sang imo ulipon nga babayi. Ginhilway mo ako sa akon mga gapos.+ 17  Magadulot ako sa imo sing mga halad sang pagpasalamat;+ Magapanawag ako sa ngalan ni Jehova. 18  Tumanon ko ang akon mga panaad kay Jehova+ Sa atubangan sang tanan niya nga katawhan,+ 19  Sa mga luwang sang balay ni Jehova,+ Sa tunga mo, O Jerusalem. Dayawa ninyo si Jah!*+

Footnote

Ukon mahimo, “Nagahigugma ako bangod ginapamatian ni Jehova.”
Ukon “Nagaduko sia agod magpamati.”
Sa literal, “sa akon mga adlaw.”
Sa literal, “Ang kalisdanan sang Sheol nakakita sa akon.”
Ukon “ang akon kalag.”
Ukon “mainayuhon.”
Tan-awa ang Glossary.
Ukon “ang akon kalag.”
Ukon “daku nga kaluwasan.”
Sa literal, “Bilidhon.”
Ukon “Hallelujah!” Ang “Jah” amo ang ginpalip-ot nga ngalan ni Jehova.