Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 115:1-18

BALAYAN SANG KAUNDAN

  • Himaya para sa Dios lamang

    • Mga diosdios wala sing kabuhi (4-8)

    • Duta ginhatag sa mga tawo (16)

    • “Patay wala nagadayaw kay Jah” (17)

115  Indi kami, O Jehova, indi kami,* Kundi ang imo ngalan ang hatagan sing himaya+ Bangod sang imo mainunungon nga gugma kag pagkamasaligan.+   Ngaa magsiling ang mga pungsod: “Diin ang ila Dios?”+   Ang amon Dios yara sa mga langit; Ginahimo niya ang tanan nga luyag niya.   Ang ila mga diosdios human sa pilak kag bulawan, Nga ginhimo lang sang tawo.+   May baba sila, apang indi makahambal;+ May mga mata sila, apang indi makakita;   May mga dulunggan sila, apang indi makabati; May ilong sila, apang indi makapanimaho;   May mga kamot sila, apang indi makauyat; May mga tiil sila, apang indi makalakat;+ Wala sing tingog nga nagagua sa ila tutunlan.+   Ang mga tawo nga nagahimo sa ila mangin kaangay nila,+ Amo man ang tanan nga nagasalig sa ila.+   O Israel, magsalig kamo kay Jehova+ —Sia ang inyo bulig kag ang inyo taming.+ 10  O panimalay ni Aaron,+ magsalig kamo kay Jehova —Sia ang inyo bulig kag ang inyo taming. 11  Kamo nga nagakahadlok kay Jehova, magsalig kamo kay Jehova+ —Sia ang inyo bulig kag ang inyo taming.+ 12  Ginadumdom kita ni Jehova kag pakamaayuhon niya kita; Pakamaayuhon niya ang panimalay ni Israel;+ Pakamaayuhon niya ang panimalay ni Aaron. 13  Pakamaayuhon ni Jehova ang mga nagakahadlok sa iya, Ang mga magagmay kag ang mga dalagku. 14  Padamuon kamo ni Jehova, Kamo kag ang inyo mga anak.*+ 15  Kabay nga pakamaayuhon kamo ni Jehova,+ Ang Isa nga naghimo sang langit kag duta.+ 16  Ang mga langit iya ni Jehova,+ Apang ang duta ginhatag niya sa mga tawo.+ 17  Ang mga patay wala nagadayaw kay Jah;+ Ukon ang bisan sin-o nga nagapanaug sa kalinong sang kamatayon.*+ 18  Apang kita magadayaw kay Jah Halin subong tubtob sa wala sing katubtuban. Dayawa ninyo si Jah!*

Footnote

Ukon “Wala sing para sa amon, O Jehova, wala sing para sa amon.”
Sa literal, “mga anak nga lalaki.”
Sa literal, “sa kalinong.”
Ukon “Hallelujah!” Ang “Jah” amo ang ginpalip-ot nga ngalan ni Jehova.