Magdiretso sa kaundan

Magdiretso sa listahan sang kaundan

Salmo 113:1-9

BALAYAN SANG KAUNDAN

  • Ginapabangon sang Dios ang kubos

    • Ngalan ni Jehova dayawon (2)

    • Nagaduko ang Dios (6)

113  Dayawa ninyo si Jah!* Dayawa ninyo sia, kamo nga mga alagad ni Jehova,Dayawa ninyo ang ngalan ni Jehova.   Kabay nga dayawon ang ngalan ni JehovaHalin subong tubtob sa wala sing katubtuban.+   Halin sa ginabutlakan sang adlaw tubtob sa ginatunuran sini,Dayawon ang ngalan ni Jehova.+   Si Jehova mataas labaw sa tanan nga pungsod;+Ang iya himaya labaw sa mga langit.+   Sin-o bala ang kaangay ni Jehova nga aton Dios,+Ang isa nga nagapuyo* sa kahitaasan?   Nagaduko sia sa pagtan-aw sa langit kag duta,+   Ginapabangon niya ang kubos halin sa yab-ok. Ginapatindog niya ang imol halin sa abo*+   Agod papungkuon sia upod sa mga dungganon,Upod sa mga dungganon sang iya katawhan.   Ginahimo niya ang baw-as nga babayi nga malipayon nga iloyNga may mga anak* sa iya puluy-an.+ Dayawa ninyo si Jah!*

Footnote

Ukon “Hallelujah!” Ang “Jah” amo ang ginpalip-ot nga ngalan ni Jehova.
Ukon “nagapungko sa trono.”
Ukon mahimo, “basurahan.”
Sa literal, “anak nga lalaki.”
Ukon “Hallelujah!” Ang “Jah” amo ang ginpalip-ot nga ngalan ni Jehova.