Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Oseas 8:1-14

BALAYAN SANG KAUNDAN

  • Pag-ani sa mga resulta sang pagsimba sa diosdios (1-14)

    • Nagasab-ug sing hangin, nagaani sing buhawi (7)

    • Israel, nalimtan ang Manunuga (14)

8  “Ibutang sa imo baba ang budyong!+ Magasalakay ang kaaway nga daw agila batok sa balay ni Jehova,+ Bangod ginlapas nila ang akon katipan,+ kag ginlapas nila ang akon kasuguan.+   Nagatawag sila sa akon, ‘O Dios namon, kami nga Israel nagakilala sa imo!’+   Ginsikway sang Israel ang maayo.+ Lagson sia sang kaaway.   Nagpili sila sing mga hari, apang indi paagi sa akon. Nagpili sila sing mga prinsipe, apang wala ko sila ginkilala. Paagi sa ila pilak kag bulawan naghimo sila sing mga diosdios,+ Agod lamang malaglag sila.+   Ang inyo tinday nga baka ginsikway, O Samaria.+ Nagsingkal ang akon kaakig sa ila.+ Tubtob san-o nga indi nila mapaputli ang ila kaugalingon?   Kay halin ini sa Israel. Ginhimo ini sang sampaton nga platero, kag indi ini Dios; Dugmukon ang tinday nga baka sang Samaria.   Kay nagasab-ug sila sing hangin, Kag nagaani sing buhawi.+ Wala sing trigo nga nagapatubas sing gulang* nga uyas;+ Wala sing harina nga makuha sa uyas. Kon may makuha man, lamunon ini sang mga dumuluong.*+   Ang Israel pagalamunon.+ Malakip na sila sa mga pungsod,+ Pareho sang suludlan nga indi kalahamut-an.   Kay nagtaklad sila sa Asiria,+ pareho sang nagaisahanon nga asno nga talunon. Ang Efraim nagbayad sa mga babayi agod mangin ila mga kahagugma.+ 10  Bisan pa ang ginabayaran nila nga mga kahagugma halin sa mga pungsod, Tipunon ko sila karon; Magaantos sila+ bangod sang lulan nga ginapapas-an sang hari kag sang mga prinsipe. 11  Kay ginpadamo sang Efraim ang mga halaran agod magpakasala sila.+ Nangin mga halaran niya ini sa pagpakasala.+ 12  Nagsulat ako para sa iya sing madamo nga butang tuhoy sa akon kasuguan,* Apang wala niya ini ginsapak.+ 13  Nagahalad sila sa akon, kag ginakaon nila ang karne, Apang wala mahamuot si Jehova sa sini.+ Dumdumon na niya ang ila kasaypanan kag silutan sila tungod sang ila mga sala.+ Nagbalik* sila sa Egipto.+ 14  Ginkalimtan sang Israel ang iya Manunuga+ kag nagtukod sing mga templo,+ Kag nagpatindog ang Juda sing madamo nga siudad nga may mabakod nga depensa.+ Apang mapadala ako sing kalayo sa iya mga siudad, Kag lamunon sini ang mga torre sa sini.”+

Footnote

Ukon “alanyon.”
Ukon “estranghero.”
Ukon “instruksion.”
Ukon mahimo, “Magabalik.”