Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Numeros 32:1-42

BALAYAN SANG KAUNDAN

  • Mga lugar nga gin-istaran sa sidlangan sang Jordan (1-42)

32  Ang mga anak ni Ruben+ kag ang mga anak ni Gad+ may madamo gid nga kasapatan kag nakita nila nga ang duta sang Jazer+ kag ang duta sang Gilead maayo nga lugar para sa kasapatan.  Gani ang mga anak ni Gad kag ang mga anak ni Ruben nagkadto kay Moises, kay Eleazar nga saserdote, kag sa mga pangulo sang katilingban kag nagsiling sila:  “Ang Atarot, ang Dibon, ang Jazer, ang Nimra, ang Hesbon,+ ang Eleale, ang Sebam, ang Nebo,+ kag ang Beon,+  ang duta nga ginpierde ni Jehova sa atubangan sang katilingban sang Israel,+ isa ka maayo nga duta para sa kasapatan, kag madamo gid ang kasapatan sang imo mga alagad.”+  Nagsiling pa sila: “Kon nahamuot ka sa amon, ihatag ini nga duta sa imo mga alagad agod panag-iyahan namon. Indi kami pagpatabuka sa Jordan.”  Dayon nagsiling si Moises sa mga anak ni Gad kag sa mga anak ni Ruben: “Mapabilin lang bala kamo diri samtang ang inyo mga utod magakadto sa inaway?  Ngaa ginapaluya ninyo ang buot sang katawhan sang Israel sa pagtabok sa duta nga ihatag sa ila ni Jehova?  Amo ini ang ginhimo sang inyo mga amay sang ginpadala ko sila halin sa Kades-barnea agod tan-awon ang duta.+  Sang nagtaklad sila sa Nalupyakan* sang Escol+ kag nakita nila ang duta, ginpaluya nila ang buot sang katawhan sang Israel sa pagkadto sa duta nga ihatag sa ila ni Jehova.+ 10  Nagdabdab ang kaakig ni Jehova sadto nga adlaw amo nga nagpanumpa sia:+ 11  ‘Indi makita sang mga lalaki nga naggua sa Egipto nga nagaedad sing 20 ka tuig pataas ang duta+ nga ginpanumpa ko kay Abraham, kay Isaac, kag kay Jacob nga ihatag sa ila,+ bangod wala sila magsunod sa akon sing bug-os tagipusuon, 12  luwas kay Caleb+ nga anak ni Jefone nga Keniznon kag kay Josue+ nga anak ni Nun, bangod nagsunod sila sing bug-os tagipusuon kay Jehova.’+ 13  Gani nagdabdab ang kaakig ni Jehova sa Israel kag ginpadalangdalang niya sila sa kamingawan sa sulod sang 40 ka tuig,+ tubtob nagkalamatay ang bug-os nga kaliwatan nga nagahimo sing malaut sa panulok ni Jehova.+ 14  Kag karon, kamo nga makasasala nagahimo sing pareho man nga butang nga ginhimo anay sang inyo mga amay agod dugangan pa ang nagahingalayo nga kaakig ni Jehova batok sa Israel. 15  Kon indi kamo magsunod sa iya, pabay-an niya sila liwat sa kamingawan, kag kamo ang mangin kabangdanan sang kalaglagan sining tanan nga katawhan.” 16  Sang ulihi, nagpalapit sila sa iya kag nagsiling: “Matukod kami anay diri sing mga toril nga bato para sa amon mga kasapatan kag sing mga siudad para sa amon kabataan. 17  Apang handa kami sa pagpakig-away+ sa unahan sang mga Israelinhon tubtob madala namon sila sa ila mga lugar, samtang ang amon kabataan magaistar sa mga siudad nga may mabakod nga depensa, kag maamligan sila batok sa mga pumuluyo sini nga duta. 18  Indi kami magpauli sa amon mga balay tubtob indi pa mabaton sang tanan nga Israelinhon ang duta nga ila palanublion.+ 19  Indi na kami magkuha sing palanublion upod sa ila sa tabok sang Jordan kag sa unhan pa, bangod nabaton na namon ang amon palanublion sa sidlangan nga bahin sang Jordan.”+ 20  Nagsabat si Moises sa ila: “Kon mag-upod kamo sa inaway sa atubangan ni Jehova,+ 21  kag kon ang kada isa sa inyo magtabok sa Jordan sa atubangan ni Jehova agod magpakig-away, tubtob matabog niya ang iya mga kaaway sa iya atubangan,+ 22  kag masakop ang duta sa atubangan ni Jehova,+ kag pagkatapos sini magbalik kamo,+ mapanag-iyahan ninyo ini nga duta sa atubangan ni Jehova+ kag wala kamo sing sala kay Jehova kag sa Israel. 23  Apang kon indi ninyo ini paghimuon, makasala kamo kay Jehova. Kag kon amo sina, manabat gid kamo tungod sa inyo sala. 24  Gani magtukod kamo sing mga siudad para sa inyo kabataan kag sing mga toril para sa inyo kasapatan,+ apang dapat ninyo tumanon ang inyo ginpanaad.” 25  Ang mga anak ni Gad kag ang mga anak ni Ruben nagsiling kay Moises: “Himuon sang imo mga alagad ang ginasugo sang amon ginuo. 26  Ang amon kabataan, ang amon mga asawa, ang amon kasapatan, kag ang tanan namon nga sinagod nga mga sapat magapabilin didto sa mga siudad sang Gilead,+ 27  apang ang imo mga alagad magatabok, kag mangin handa sila tanan sa pag-upod sa inaway sa atubangan ni Jehova,+ suno sa ginasiling sang amon ginuo.” 28  Gani tuhoy sa ila, nagsugo si Moises kay Eleazar nga saserdote kag kay Josue nga anak ni Nun, kag sa mga ulo sang mga panimalay sa mga tribo sang Israel. 29  Nagsiling si Moises sa ila: “Kon ang mga anak ni Gad kag ang mga anak ni Ruben magtabok sa Jordan upod sa inyo, kag mangin handa sila tanan sa pag-upod sa inaway sa atubangan ni Jehova, kag ang duta masakop sa atubangan ninyo, ihatag ninyo sa ila ang duta sang Gilead agod panag-iyahan nila.+ 30  Apang kon indi sila handa sa pag-upod sa inaway kag indi sila magtabok upod sa inyo, magaistar sila upod sa inyo sa duta sang Canaan.” 31  Ang mga anak ni Gad kag ang mga anak ni Ruben nagsabat: “Himuon namon ang ginsiling ni Jehova sa imo mga alagad. 32  Handa kami sa pag-upod sa inaway kag matabok kami sa duta sang Canaan sa atubangan ni Jehova,+ apang ini nga bahin sang Jordan amo ang palanublion nga amon panag-iyahan.” 33  Gani, ginhatag ni Moises sa mga anak ni Gad, sa mga anak ni Ruben,+ kag sa katunga sang tribo ni Manases+ nga anak ni Jose ang ginharian ni Sihon+ nga hari sang mga Amornon, kag ang ginharian ni Og+ nga hari sang Basan, ang sakop nga mga duta sang mga siudad sini, kag ang mga siudad sang duta sa palibot. 34  Kag gintukod* sang mga anak ni Gad ang Dibon,+ ang Atarot,+ ang Aroer,+ 35  ang Atrot-sofan, ang Jazer,+ ang Jogbeha,+ 36  ang Bet-nimra,+ kag ang Bet-haran,+ ang mga siudad nga may mabakod nga depensa, kag nagtukod sila sing mga toril nga bato para sa ila kasapatan. 37  Gintukod sang mga anak ni Ruben ang Hesbon,+ ang Eleale,+ ang Kiryataim,+ 38  ang Nebo,+ kag ang Baal-meon+ (gin-islan ang mga ngalan sini) kag ang Sibma. Ginpang-islan nila sing ngalan ang mga siudad nga ila gintukod liwat. 39  Ginsalakay sang mga anak ni Maquir+ nga anak ni Manases ang Gilead kag ginsakop nila ini kag gintabog nila ang mga Amornon nga nagaistar sa sini. 40  Gani ginhatag ni Moises ang Gilead kay Maquir nga anak ni Manases, kag nag-istar sia sa sini.+ 41  Ginsalakay ni Jair nga anak ni Manases ang gamay nga mga banwa sang Gilead kag ginsakop ini, kag gintawag niya ini nga Havot-jair.*+ 42  Ginsalakay kag ginsakop ni Noba ang Kenat kag ang sakop* nga mga banwa sini, kag gintawag niya ini nga Noba suno sa iya ngalan.

Footnote

Tan-awa ang Glossary.
Ukon “gintukod liwat.”
Buot silingon, “Gamay nga mga Banwa ni Jair.”
Ukon “sa palibot.”